Sunday, April 28, 2019

ជីកដីសង់ផ្ទះ ប្រទះឃើញកាំភ្លើង AK និងគ្រាប់បែក

កំពង់ឆ្នាំងៈ អាវុធ និងគ្រាប់បែកដៃ ត្រូវបានប្រជាពលរដ្ឋ ប្រទះឃើញ នាំគ្នាមករាយការណ៍ជូនសមត្ថកិច្ចមូលដ្ឋាន ចុះទៅពិនិត្យ និងយកទៅរក្សាទុក។

សមត្ថកិច្ច បានឲ្យ​ដឹងថា ការប្រទះឃើញអាវុធ និងគ្រាប់នេះ នៅ​ថ្ងៃទី២៦ ខែមេសា ឆ្នាំ២០១៩នេះ ហើយត្រូវបានប្រជាពលរដ្ឋម្នាក់ឈ្មោះ សុះ អ៊ុលឡាវី ភេទប្រុស អាយុ២៨ឆ្នាំ មុខរបរកសិករ មានទីលំនៅភូមិ ច្រករមៀត ឃុំឈូកស ស្រុកកំពង់ត្រឡាច ខេត្តកំពង់ឆ្នាំង បានរាយការណ៍ប្រាប់សមត្ថកិច្ចនៅវេលាមោង៣៖១៥នាទីរសៀលថ្ងៃទី២៧ មេសា ២០១៩។

សមត្ថកិច្ច បានបន្តថា ពលរដ្ឋឈ្មោះ សុះ អ៊ុលឡាវី បានប្រទះឃើញ​អាវុធ Ak47ស្វាយបត់ និងគ្រាប់មួយចំនួន ខណៈគាត់បានជីកដីសាងសង់ផ្ទះថ្មី ហើយ​ក៏​បានរាយការណ៍ជូននគរបាលប៉ុស្តិ៍រដ្ឋបាល ឲ្យ​ចុះទៅពិនិត្យ។

ក្រោយចុះទៅពិនិត្យ សមត្ថកិច្ចបញ្ជាក់ថា អាវុធខាងលើនេះ គឺ​កាំភ្លើងAK ស្វាយបត២ដើម(ខូចគុណភាព) បង់ចំនួន២ គ្រាប់៥៨គ្រាប់ (មានគុណភាព៩៥%) គ្រាប់បែកដៃ១គ្រាប់(ពុំស្គាល់ម៉ាក)។

បច្ចុប្បន្នអាវុធ និងគ្រាប់បែក ត្រូវបានយកមករក្សាទុកប៉ុស្តិ៍រដ្ឋបាលឃុំឈូកស រង់ចាំប្រគល់ជូនសមត្ថកិច្ចស៊ីម៉ាក់៕

Feature Ads