ភ្នំពេញៈ ជនសង្ស័យជាឪពុកមាម្នាក់ ត្រូវបានសមត្ថកិច្ចចាប់ខ្លួន បន្ទាប់ពីធ្វើសកម្មភាពចាប់រំលោភក្មួយស្រីបង្កើត បានសម្រេចជាច្រើនលើក ពោលគឺកាលពីអំឡុងខែតុលា ឆ្នាំ២០១៨ រហូតដល់ថ្ងៃទី១៩ ខែមីនា ឆ្នាំ២០១៩។
ក្រោយពីធ្វើសកម្មភាពរួច ជនសង្ស័យបានរត់គេចខ្លួនទៅស្នាក់នៅភូមិប្រម៉ោយ ឃុំដីក្រហម ស្រុកវាលវែង ខេត្តពោធិ៍សាត់ ទើបនៅថ្ងៃទី៩ ខែមេសា ឆ្នាំ២០១៩ ទើត្រូវបានកម្លាំងនគរបាលខណ្ឌ៧មករាដឹកនាំដោយលោកវរសេនីយ៍ទោ ក្រេត សិខរិន អធិការរង សហការជាមួយកម្លាំងអធិការដ្ឋាននគរបាលស្រុកវាលវែង ធ្វើការឃាត់ខ្លួន។
ការចាប់ខ្លួនឪពុកមាចិត្តខ្មៅ ចាប់រំលោភលើក្មួយស្រីបង្កើតនេះ គឺធ្វើឡើងតាមបញ្ជាលោកអធិការនគរបាលខណ្ឌ៧មករា និងយោងតាមចំណាឯកភាពរបស់លោក កែវ សុធា ព្រះរាជអាជ្ញានៃអយ្យការអមសាលាដំបូងរាជធានីភ្នំពេញ។
ឪពុកមាចិត្តខ្មៅរូបនេះ ឈ្មោះ ញ៉ែត ឆាង អាយុ៤០ឆ្នាំ ជនជាតិខ្មែរ មានទីលំនៅផ្ទះលេខ៩១E4z ផ្លូវលេខ១០៧ ភូមិ៣ សង្កាត់អូរឫស្សី៤ ខណ្ឌ៧មករា រាជធានីភ្នំពេញ។ ចំណែក្មួយស្រីគ្រោះឈ្មោះ ស.ន ស.ធ អាយុ១៥ឆ្នាំ ជនជាតិខ្មែរ មុខរបរនៅផ្ទះ មានទីលំនៅជាមួយពូបង្កើតផ្ទះកើតហេតុខាងលើ ។
តាមប្រភពបានឲ្យដឹងថា បន្ទាប់ពីបានធ្វើសកម្មភាពរំលោភក្មួយស្រីរយច ឪពុកមារូបនេះបានរត់គេចពីសំណាញ់ច្បាប់ មកលាក់ខ្លួននៅភូមិប្រម៉ោយ ឃុំដីក្រហម ស្រុកវាលវែង ខេត្តពោធិ៍សាត់ ទើបនៅថ្ងៃទី៩ ខែមេសា ឆ្នាំ២០១៩ ក៏ត្រូវបានកម្លាំងនគរបាលរាជធានីភ្នំពេញ សហការជាមួយនគរបាលស្រុកវាលវែង ចុះចាប់ឃាត់ខ្លួន នាំមកកាន់អធិការដ្ឋានខណ្ឌ៧មករា ដើម្បីកសាងសំណុំរឿងចាត់ការតាមនីតិវិធី៕