Sunday, April 28, 2019

បងប្រុសល្មោភកាម ចាប់រំលោភប្អូនស្រីបង្កើត២នាក់ ជាច្រើនលើក ទើបបែកការ

ភ្នំពេញៈ កម្លាំងប៉ុស្តិ៍នគរបាលរដ្ឋបាលស្ទឹងមានជ័យទី២ បានឃាត់ខ្លួនជនសង្ស័យម្នាក់  បន្ទាប់ពីចាប់រំលោភប្អូនស្រីបង្កើតរបស់ខ្លួនចំនួនពីរនាក់  ដែលជាអនីតិជន អាយុ១៦ឆ្នាំម្នាក់ និងម្នាក់ទៀត អាយុ១២ឆ្នាំ កាលពីវេលាម៉ោង១២ពាក់កណ្តាលអធ្រាត្រថ្ងៃទី១៩ ខែមេសា ឆ្នាំ២០១៩ នៅចំណុចផ្ទះគំរូអង្គការស្កុត ផ្លូវលំ ភូមិព្រែកទាល់១ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។

ការឃាត់បងប្រុសល្មោភកាមនេះ ធ្វើឡើងកាលពី​វេលាម៉ោង២រំលងអាធ្រាត្រថ្ងៃសៅរ៍ ទី២៧ ខែមេសា ឆ្នាំ២០១៩។

បងប្រុសល្មោភកាមរូបនេះ ឈ្មោះ ខាន់ ម៉េងទ្រី ភេទប្រុស អាយុ២៣ឆ្នាំ ជនជាតិខ្មែរ ទីលំនៅផ្ទះជួល ភូមិព្រៃព្រីងខាងជើង សង្កាត់ចោមចៅទី១ ខណ្ឌពោធិ៍សែនជ័យ រាជធានី ភ្នំពេញ មុខរបរលក់ដូរ (គ្មានផ្ទុកសារធាតុញៀន)។ ចំណែកប្អូនស្រីរងគ្រោះទី១ ឈ្មោះ ខ.ចគន អាយុ១៦ឆ្នាំ សិស្ស (ត្រូវជាប្អូនស្រីបង្កើតរបស់ជនសង្ស័យ) ។ ទី២ឈ្មោះ ខ.ម.អ អាយុ១២ឆ្នាំ សិស្ស (ត្រូវជាប្អូនស្រីបង្កើតរបស់ជនសង្ស័យ) ។

ក្មេងស្រីរងគ្រោះទាំង២នាក់បងប្អូន បានឲ្យដឹងថា ពួកគេទាំង២នាក់ ត្រូវបាន​បងប្រុសបង្កើតឈ្មោះ ខាន់ ម៉េងទ្រី ចាប់រំលោភជាច្រើនលើកមកហើ​យ តាំងពីអំឡុងឆ្នាំ២០១១មកម្ល៉េះ  ហើយលើ​កចុងក្រោយ កាលពីវេលាម៉ោង១២ពាក់កណ្តាលអធ្រាត្រ ថ្ងៃទី១៩ ខែមេសា ឆ្នាំ២០១៩ នៅចំណុចផ្ទះគំរូអង្គការស្កុត ផ្លូវលំ ភូមិព្រែកទាល់១ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។

បច្ចុប្បន្នជនសង្ស័យឈ្មោះ ខាន់ ម៉េងទ្រី ត្រូវបាន​ឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី៕

Feature Ads