បើកបរប្រយ័ត្ន និងយោគយល់អធ្យាស្រ័យគ្នាផង! ស្លាប់០២នាក់ និងរងរបួសធ្ងន់ ០៣នាក់ ក្នុងឧបទ្ទេវហេតុ គ្រោះថ្នាក់ចរាចរណ៍នៅស្រុកអូរជ្រៅ !

វេលាម៉ោង ០៦ និង៣០នាទីព្រឹកថ្ងៃទី ១៣ ខែមេសា ឆ្នាំ២០១៩នេះ មានករណីគ្រោះថ្នាក់ចរាចរណ៍ដ៍រន្ធត់ ដោយរថយន្ត ០២គ្រឿង បុកគ្នាពេញទំហឹង បណ្តាលឲ្យនារី ០២នាក់ ស្លាប់បាត់បង់ជីវិត និង០៣នាក់ ផ្សេងទៀតរងរបួសធ្ងន់ នៅតាមបណ្តោយផ្លូវជាតិលេខ៥ ចន្លោះគីឡូម៉ែត្រលេខ ៣៧៨-៣៧៩ ស្ថិតក្នុងភូមិកូបលិច ឃុំកូប ស្រុកអូរជ្រៅ ខេត្តបន្ទាយមានជ័យ ។