ពូកែបើកបរខុសគន្លងពេក! ពេលនេះស្ពានជ្រោយចង្វារទី១ ត្រូវបានដាក់បង្គោល​បែងចែក​គន្លងដាច់​ពីគ្នាហើយ

ភ្នំពេញ៖ ក្រោយពីស្ពានជ្រោយចង្វារទីមួយបានដាក់ឲ្យពលរដ្ឋធ្វើដំណើរឡើងវិញកាលពីថ្ងៃទី០៣ ខែមេសា ឆ្នាំ២០១៩ ក្រោមអធិបតីភាពសម្តេចតេជោ ហ៊ុន សែន រួចមកមាន​​ប្រជាពល​រដ្ឋ​នៅ​​តែ​មិន​ទាន់​យល់​ពី​គន្លង និងគំនូស​ដែល​បាន​គូស​នៅ​លើ​ស្ពាន​នេះ​ដដែល ហើយបង្កឲ្យមានគ្រោះថ្នាក់ដោយដួលជាច្រើន ហើយមួយទៀតគឺ​ពួក​គាត់​ដែលជាអ្នកបើកបរម៉ូតូ នៅ​ជិះលើគន្លង​ផ្លូវ​រថយន្តដដែល។

យ៉ាងណាមិញនៅមុននេះបន្តិច រសៀលថ្ងៃទី ០៩ ខែមេសា នេះ គឺយើងឃើញថាមានការដាក់បែងចែកគន្លង ដាច់ពីគ្នាបែបនេះ ដោយដាក់បង្គោលជាការខណ្ឌចែក៕