ភ្នំពេញៈ ស្ត្រីជនជាតិចិនម្នាក់ ត្រូវបានចៅក្រមសាលាដំបូងរាជធានីភ្នំពេញ ប្រកាសសាលក្រមសម្រេចផ្ដន្ទាទោសដាក់ពន្ធនាគារកំណត់១៨ឆ្នាំ និងពិន័យប្រាក់ឲ្យបង់ចូលថវិការដ្ឋ ចំនួន៣០លានរៀល ក្រោមការចោទប្រកាន់ពីបទ រក្សាទុកដឹកជញ្ជូន និងជួញដូរដោយខុសច្បាប់នូវសារធាតុញៀនឆ្លងដែន។ជនជាប់ចោទឈ្មោះ ហ្វួង យ៉ាំងហ្វាង ភេទស្រី អាយុ២៩ឆ្នាំ ជនជាតិចិន ត្រូវបានសមត្ថកិច្ចកម្ពុជា ចាប់ខ្លួននៅព្រំដែនប៉ោយប៉ែត កាលពីថ្ងៃសៅរ៍ ទី១៥ ខែមិថុនា ឆ្នាំ២០១៨ ជាមួយនិងសារធាតុញៀនប្រភេទខេតាម៉ីន ទម្ងន់៩៧៩ក្រាម និងហ្វេតាម៉ីនទឹកកក៤៩៦ក្រាម។
ក្នុងសវនាការកន្លងទៅ ជនជាប់ចោទបានសារភាពថា នាងស៊ីឈ្នួលគេដើម្បីបញ្ជូនសារធាតុញៀនទាំងនេះឆ្លងដែនទៅប្រទេសថៃដោយហេតុផលជីវភាពក្រីក្រប៉ុណ្ណោះ៕
ផ្ដល់សិទ្ធិដោយ campost
