បន្ទាយមានជ័យៈ ភ្លៀងធ្លាក់ ខ្យល់កន្រ្កាក់ និងផ្គររន្ទះ បណ្តាលឲ្យប៉ះពាល់ ឃុំចំនួនពីរ នៅស្រុកភ្នំស្រុក ខេត្តបណ្ទាយមានជ័យ កាលពីរសៀលថ្ងៃទី២២ ខែមេសា ឆ្នាំ២០១៩។
ភ្លៀងធ្លាក់ ខ្យល់កន្រ្កាក់ និងផ្គររន្ទះ បណ្តាលឲ្យប៉ះពាល់ ឃុំចំនួនពីរ គឺមានឃុំពន្លៃ រន្ទះបាញ់គោស្លាប់អស់៥ក្បាល ដែលមានម្ចាស់ឈ្មោះ សេ ហូរ ភេទប្រុស អាយុ៦៤ឆ្នាំ រស់នៅភូមិតាវង ឃុំពន្លៃ ស្រុកភ្នំស្រុក ខេត្តបន្ទាយមានជ័យ។
ចំណែកឃុំប៉ោយចារ ប៉ះពាល់ផ្ទះប្រជាពលរដ្ឋពចំនួន១៦ខ្នង មាន៤ភូមិ គឺ១/ ភូមិតាអុងចំនួន១០ខ្នង ២/ ភូមិត្រពាំងថ្មខាងជើងចំនួន២ខ្នង ៣/ ភូមិត្រពាំងថ្មកណ្តាលចំនួន២ខ្នង ៤/ ភូមិត្រពាំងថ្មត្បូងចំនួន២ខ្នង។
សូមបញ្ជាក់ថា គ្រោះធម្មជាតិខាងលើនេះ មិនបណ្ដាលឲ្យមនុស្សណាម្នាក់ រងរបួស ឬគ្រោះថ្នាក់ដល់អាយុជីវិតឡើយ៕
