ពោធិ៍សាត់ៈ សត្វគោមួយហ្វូង ត្រូវរន្ទះបាញ់ បណ្តាលឲ្យងាប់ នៅទីទួលពីមុខខ្ទមអ្នកតាមួយកន្លែង កាលពីរសៀលថ្ងៃទី២៤ ខែឧសភា ឆ្នាំ២០១៩ នៅចំណុចដីទួលខាងមុខខ្ទមអ្នកតាមួយកន្លែង ស្ថិតនៅក្នុងភូមិសានសរ ឃុំអន្សាចំបក់ ស្រុកក្រគរ ខេត្តពោធិ៍សាត់។
ប្រភពពីមត្ថកិច្ចមូលដ្ឋាន បានអោយដឹងថា មានករណីរន្ទះបាញ់មួយគ្រាប់ បណ្ដាលឲ្យសត្វគោ ១ហ្វូង ដែលកំពុងស៊ីស្មៅ នៅពេលមេឃមានភ្លៀង១មេយ៉ាងធំ លាយឡំទៅដោយខ្យល់ កន្រ្តាក់ផ្គររន្ទះបាញ់។
សេចក្ដីរាយការណ៍ពីអាជ្ញាធរមានសមត្ថកិច្ច បានឲ្យដឹងថា សត្វគោញី និងឈ្មោលងាប់គរជើងលើគ្នា ខ្លះចេញអាចម៍ ដោយគ្រោះធម្មជាតិ(រន្ទះបាញ់)មានចំនួន៧ក្បាល ខណៈដែលសត្វគោទាំងអស់នោះនៅផ្ដុំគ្នា ទំនងនាំគ្នរត់រកកន្លែងជ្រកភ្លៀងដែរនោះ។
សូមបញ្ជាក់ផងដែរថា កន្លងទៅថ្មីៗនេះ ក៏កើតមានករណីរន្ទះបាញ់ បណ្តាលអោយមនុស្សប្រុសស្រីប្តីប្រពន្ធ២នាក់ បានស្លាប់ និង៣នាក់ផ្សេងទៀត រងរបួសនៅពេលដែលពួគគាត់ត្រឡប់មកពីដកផ្សិតទៅផ្ទះវិញនៅក្នុងស្រុកក្រគរផងដែរ។
ពាក់ព័ន្ធនិងករណីខាងលើនេះផងដែរ សមត្ថកិច្ចបានធ្វើការអំពាវនាវសូមបងប្អូនប្រជាពលរដ្ឋត្រូវតែមានការប្រុងប្រយ័ត្នជានិច្ច៕
