ភ្នំពេញ: កាលពីថ្ងៃទី៧ ខែឧសភា ឆ្នាំ២០១៩ វេលាម៉ោង ៣និង៣០នាទីរសៀល ឃាត់បានខ្លួនជនជាតិចិនប្រុស ស្រី ២៨នាក់ ពាក់ព័ន្ធបទល្មើស ជំរិតទារប្រាក់តាមប្រព័ន្ធអ៊ីនធឺណិត ប្រតិបត្តិការនេះ មានការសម្របសម្រួលពីលោក សេង ហៀង ព្រះរាជអាជ្ញារងអមសាលាដំបូងរាជធានីភ្នំពេញ នគរបាលខណ្ឌសែនសុខ សហការជាមួយកម្លាំងនាយដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែន ។
ហេតុការណ៍ការបង្ក្រាបខាងលើនេះ ធ្វើឡើងនៅចំណុចផ្ទះវីឡាគ្មានលេខ ផ្លូវលំ ភូមិសំរោង សង្កាត់ឃ្មួញ ខណ្ឌសែនសុខ។ នគរបាលបញ្ជាក់ថា សមត្ថកិច្ចដកហូតសម្ភារៈពាក់ព័ន្ធ បទល្មើសជាច្រើន បច្ចុប្បន្ន ជនជាតិចិនទាំង២៨នាក់និងវត្ថុតាង ត្រូវបានកម្លាំងនាយដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែន នាំយកទៅធ្វើការសាកសួរ៕
