![](https://blogger.googleusercontent.com/img/b/R29vZ2xl/AVvXsEhAAmANk4jZXDAHSiuP2kaj75nOxvaShCNkv9M4AbazPM7GhpUkXsu6-QLZgIy5FC6Y81bj6g9Z2qMavBRa_tlSwogA3Xbpv4dbAEfb3kP4pryok_myHQdibdAx0j5XjJqignStzcX76JB2/s1600/Thumbnail-Recovered.jpg)
ភ្នំពេញៈ សពប្រជាពលរដ្ឋខ្មែរដែលរងគ្រោះដោយទាហានថៃបាញ់ស្លាប់នៅក្នុងទឹកដីថៃកាលពីថ្ងៃទី២៤ ខែមេសា ឆ្នាំ២០១៩ កន្លងទៅនេះ ត្រូវបានដឹកបញ្ជូនមកដល់គេហដ្ឋាននៃសពនៅ វេលាម៉ោង ១០.១០នាទី យប់ថ្ងៃទី២ ខែឧសភា ឆ្នាំ ២០១៩ ។
ក្រោយពីមានការជំនួបចរចាទ្វេភាគីរវាង កម្ពុជា ថៃ កាលពីល្ងាចថ្ងៃទី៣០ ខែមេសា ឆ្នាំ២០១៩ កន្លងទៅនេះ ដោយភាគីកម្ពុជាដឹកនាំដោយឧត្តមសេនីយ៍ទោ ចន្ទ័ រដ្ឋា មេបញ្ជាការរងយោធភូមិភាគទី៥ ទទួលបន្ទុកការងារព្រំដែន ជួបជាមួយ វរសេនីយ៍ឯក ប្រាក់ ជួបម្លិះផងមេបញ្ជាការយោធា ខេត្តត្រាត ក្នុងទឹកដីប្រទេសថៃ។
ក្នុងជំនួបនេះក៏បានផ្ដោតសំខាន់ទៅលើការទំនាក់ទំនងល្អរវាងគណៈកម្មការព្រំដែនកម្ពុជា-ថៃនិងបានស្នើសុំឲ្យភាគីថៃ បញ្ជូនសាកសពប្រជាពលរដ្ឋខ្មែរដែលទាហានថៃបាញ់ស្លាប់កាលពីថ្ងៃ២៤ មកកម្ពុជាដើម្បីធ្វើបុណ្យ។
ក្នុងជំនួបនេះភាគីខាងយោធាថៃក៏បានយល់ព្រមនឹងធ្វើការបញ្ជូនសាកសពតាមសំណើរបស់ភាគីកម្ពុជា។
សពប្រជាពលរដ្ឋខ្មែរដែលរងគ្រោះនេះត្រូវបានកម្លាំងទំនាក់ទំនងព្រំដែន ជាមួយកម្លាំងកងការពារព្រំដែនលេខ៥០១ ធ្វើការបញ្ជូនទៅដល់គេហដ្ឋាននៃសពដែលស្ថិត នៅក្នុងភូមិព្រែក២ ឃុំសំរោង ស្រុកភ្នំក្រវាញ ខេត្តពោធិ៍សាត់នៅវេលាម៉ោង១០.១០យប់ ថ្ងៃទី២ ខែឧសភា ឆ្នាំ ២០១៩ នេះ។
សូមបញ្ជាក់ថាកាលពីថ្ងៃទី២៤ ខែមេសា ឆ្នាំ២០១៩ កន្លងទៅនេះ ទាហានថៃបានធ្វើការបាញ់សម្លាប់ប្រជាពលរដ្ឋខ្មែរដែលចូលកាប់ឈឺក្នុងទឹកដីថៃដោយខុសច្បាប់។
ក្នុងការបាញ់ប្រហារនេះបណ្ដាលឲ្យប្រជាពលរដ្ឋខ្មែរដែលចូលទៅទឹកដីថៃដោយខុសច្បាប់ ស្លាប់១ម្នាក់និងរបួសធ្ងន់១ម្នាក់ ដែលពេលនេះសាកសពអ្នកស្លាប់ត្រូវបានបញ្ជូនមកដល់ប្រទេសកម្ពុជានៅយប់មិញ ឯអ្នករបួសនៅសម្រាកព្យាបាលនៅមន្ទីរពេទ្យប្រទេសថៃនៅឡើយ៕
![](https://blogger.googleusercontent.com/img/b/R29vZ2xl/AVvXsEjmDy5_Uz0IzbitAdXYJX6RTMzFQjoQA72T0H_nX55M7j04vFXVvoSamv-4apbvhdndVehRILaVF0hZfqaXi2ZevNec2vRm_gtfJgo2ctCuJGxoByNo5g2iCb6hf4RDpIymM0WXSVfR4-VJ/s1600/773234402.jpg)
![](https://blogger.googleusercontent.com/img/b/R29vZ2xl/AVvXsEhOYYrpMIVT2WC5j3pH0o9mvj9K5IJgU3SzIXVwDQkhtJ9J7Or7bUW1flJmlR28f8Hu-ZlLSUiwP7AlT4s_q3AT91jAmlk1AAjmt2RlCuCEA6_avohBD45W6l6PmKHANLYevAUfTJqN3KMA/s1600/773234403.jpg)
![](https://blogger.googleusercontent.com/img/b/R29vZ2xl/AVvXsEi8ccD39PDfjaI32Vnr47p2WiK_NEn-q5WTsHn8-sBh_MrVXBJSnyNAYx_qGwARZqBuPk64qGbVN8mKNOkCP3H3bFQNwjit7P81CS1i0asWHCnZMjlfCsR1QkqZ19P5uFeJposA_uOkCrVQ/s1600/773234404.jpg)
![](https://blogger.googleusercontent.com/img/b/R29vZ2xl/AVvXsEg_IwemZYhqgg3SdI6qWtF9cATTpDw-YQubjWMU07gwvtW1hXsr8TxHa2CWNtxoAhvz_EDusroWkmWpeemn58M3jzTyoa7ZbT-AZbBJX_cORtSmC1NhNXIOUEvaUoe88vmYbWuE_gDRJ4Uz/s1600/773234405.jpg)
![](https://blogger.googleusercontent.com/img/b/R29vZ2xl/AVvXsEjBdL2y7wKx4UhlC4cA1qMjf6q3y0eMrddyv_0JLoX6BHpIsTsLgahbvHAY7I6-MPqZbrAbeeX19GBkf2-Se08uIXpT9Yz3UAUakyTGGbXgIR2axyuri5weSbREog1fu8W91mtf4MSOerwF/s1600/773234406.jpg)
![](https://blogger.googleusercontent.com/img/b/R29vZ2xl/AVvXsEgjGTG7BTYmo3ArPDC8lYmYZBVZyJZi8A3N2i0uyMQbu3yuoiMXzMxmV6QTdnWki07LmLXId9q5p5b5tgg6RS6hHoD_dFMmb5jfplT6LkqXscNDI9YF1A0UvaqWD4GakLAJUicGSWq4sYIA/s1600/773234407.jpg)
![](https://blogger.googleusercontent.com/img/b/R29vZ2xl/AVvXsEhBhFIgZXuw3WVBnB-3dHvCj0UxtJcaXIIms73OMY3aQMnQBIwyECgR8xFo_QL9O9llE1y1mSUIkD3zNAh00wYJL2rNjpaF8ljK5JB0zrTPECHP9wZq4HZippJgqIIMsydwdembxSV5HQrl/s1600/773234408.jpg)