កាលពីសប្តាហ៏មុនក្រុមហ៊ុនស្មាតហ្វូន vivo បានធ្វើការប្រកាសជាមួយនឹងការត្រៀមបង្ហាញចំពោះការមកដល់នៃសមាជិករបស់ខ្លួនស៊េរីថ្មីចុងក្រោយនៃត្រកូល Y ម៉ូឌែល vivo Y93។
សម្រាប់ពេលនេះចំពោះស្មាតហ្វូន vivo Y93 នេះនិងមានវត្តមានចេញលក់ជាផ្លូវការនៅលើទីផ្សារចាប់ពីថ្ងៃទី 3 ខែឧសភា នេះតទៅហើយ! ជាមួយនឹងការដាក់លក់នៅលើទីផ្សារក្នុងកញ្ចប់តម្លៃ $169 តែប៉ុណ្ណោះ។ និយាយចំពោះការរចនាបទផ្នែករូបរាងវិញគឺមានលក្ខណៈដូចទៅនឹង Y91&Y91i ដែរ ដោយត្រូវបានបង្ហាញមកជាមួយនឹងចម្រើសពីរពណ៍គឺ ពណ៍ Starry black និង ពណ៍ Ocean Bluដែលជាពណ៍កំពង់តែមានការពេញនិយមសម្រាប់មិត្តៗយុវវ័យផងដែរ។
ខាងក្រោមនេះជាលក្ខណៈសម្បត្តិមួយចំនួនរបស់ vivo Y93:
- មានរូបរាងបែប Classic មិនឆាប់នឹងស៊ាំភ្នែក
- មានអេក្រង់ជាប្រភេទឆកបែបតំណក់ទឹក ទំហំ 6.22 អ៊ីញ ជាប្រភេទ IPS LCD អាចបង្ហាញរូបភាពបានក្នុងកម្រិត HD+ លាតសន្ធឹងប្រមាណ 88.6% នៃផ្ទៃខាងមុខ និងមានដង់ស៊ីតេអេក្រង់ 271 ppi
- ដំណើរការដោយ Android 8.1 Oreo និងស្រោបខ្លួនដោយ FunTouch OS 4.5
- មាន CPU Octa-Cores, GPU Adreno 505 និងមាន Chipset ប្រភេទ Snapdragon 439
- ដំណើរការស៊ីមកាតបានពីរ + ទ្រទ្រង់ 4G
- មានរ៉េមទំហំ 3GB និងមានអង្គផ្ទុកទិន្នន័យក្នុងម៉ាស៊ីន 32GB + ថែមក្រៅបាន 256GB
- កាមេរ៉ាក្រោយ 2 គ្រាប់ (13MP + 2MP) និងកាមេរ៉ាមុខទំហំ 8MP
- ប្រព័ន្ធសុវត្ថិភាព: ស្កេនម្រាមដៃនៅផ្នែកខាងក្រោយ + ស្កេនមុខ
- ថ្ម: 4030 mAh
ដូចនេះសម្រាប់ប្រិយមិត្តរបស់ vivo ដែលមានចំណាប់អារម្មណ៍លើ Y93 នេះលោកអ្នកអាចទៅធ្វើការជាវបានហើយតាមបណ្តាហាងលក់ទូរស័ព្ទនានាទូទាំងប្រទេស។
