ភ្នំពេញ ៖ រហូតមកដល់ថ្ងៃនេះ ករណីចោរគាស់ផ្ទះរបស់សិល្បករជើងចាស់ផ្នែកអាយ៉ៃ លោក ព្រហ្ម ម៉ាញ លួចទ្រព្យសម្បត្តិសរុបលុយសុទ្ធ៥ម៉ឺនដុល្លារ និងសម្ភារៈមួយចំនួនទៀត មិនទាន់ទទួលបានលទ្ធផលពីខាងសមត្ថកិច្ចនៅឡើយទេ ខណៈកន្លងមកកាលពី៦ឆ្នាំមុន លោក ព្រហ្ម ម៉ាញក៏ធ្លាប់ត្រូវបានចោរចូលលួចធ្ពក់យកខ្សែក អត់ប្រមាណជា៣ពាន់ដុល្លារម្ដងហើយ។
ក្នុងថ្ងៃនេះដែរ ទី២០ ខែឧសភានេះ លោក ហេង ឡុង តំណាងសមាគមសិល្បករខ្មែរ ក៏បានចុះទៅដល់គេហដ្ឋាន ដើម្បីសួរសុខទុក្ខ និងនាំយកនូវអំណោយ មូលនិធិសិល្បករចាស់ជរា ដើម្បីឧបត្ថម្ភស្រាប់តែបានបង្ហាញនូវភាពអស់សង្ឃឹមចំពោះអាជ្ញាធរខណ្ឌទួលគោក សង្កាត់បឹងកក់២ ខណៈដែលការបាត់បង់លើកនេះមិនមែនជាលើកទី១ឡើយ ពោលកាលពី៦ឆ្នាំមុនលោកក៏ធ្លាប់ត្រូវចោរលួចខ្សែកមានតម្លៃជាង១ពាន់ដុល្លារ ផងដែរ តែក្រោយពីប្តឹងដល់សមត្ថកិច្ច ពុំមានការឆ្លើយតប និងចាប់ចោរបានទេ រហូតពេលនេះបាត់បង់ជាថ្មី សរុបជាប្រាក់ជាង៥ម៉ឺនដុល្លារ។
ហើយជាមួយគ្នានេះលោកក៏បានបង្ហើបប្រាប់ថាតំបន់ដែលលោករស់នៅនេះមិនមែនតែផ្ទះលោកទេដែលធ្លាប់បាត់បង់នោះ អ្នកជិតខាងផ្ទះលោកធ្លាប់ចោរបំបាំងកាយលួចម៉ូតូ២គ្រឿង និងមានទាំងចោរចូលដឹកអីវ៉ាន់ ផងតែអាជ្ញាធរដូចជាមើលមិនឃើញ និងអនុវត្តឲ្យត្រឹមត្រូវឲ្យរាស្រ្តបានសុខឡើយ។
លោកបានអន់ចិត្តចំពោះសមត្ថកិច្ចដែលលើកឡើងថា មានតែផ្ទះលោកទេដែលបាត់អីវ៉ាន់នោះ។