ភ្នំពេញ៖ ក្រោយពីលោក សុខ ទូច បានចូលឆ្លើយបំភ្លឺចំពោះ កញ្ញា វ៉ា សក្តា ព្រះរាជអាជ្ញារងអមសាលាដំបូងរាជធានីភ្នំពេញ រួចរាល់ តាមដីកាកោះចុះទី០២ ខែឧសភា ឆ្នាំ២០១៩ នៃសំណុំរឿងព្រហ្មទណ្ឌលេខ៤៧០៨ បានកោះហៅឲ្យចូលខ្លួនឆ្លើយពាក់ព័ន្ធ បទកុប្បកម្ម និងបទជ្រៀតជ្រែកដោយខុសច្បាប់ទៅក្នុងការបំពេញមុខងារសាជារណៈ រួចមក លោក សុខ ទូច បានអះអាងចំពោះអ្នកសារព័ត៌មានថា [ …លោកមកបំភ្លឺនេះ លោកខ្ពើមណាស់ សាលាដំបូងខ្ញុំខ្ពើមណាស់ ម៉េចខ្ញុំខ្ពើម គឺខ្ញុំមិនដែលចង់ជាន់អាអ៊ីចឹងៗទេ ការងារអ៊ីចឹងៗខ្ញុំមិនចង់ជាន់ទេ…] ។ជាមួយគ្នានេះដែរ បើតាមលោកម៉ាក ធីបុត្រ អនុប្រធានគណបក្សខ្មែរក្រោក បានសម្ដែងការអស់សង្ឃឹមចំពោះតុលាការ ខណៈប្ដឹងពីបទ ញុះញង់ឲ្យមានការរើសអើង និងបទជ្រៀតជ្រែកដោយខុសច្បាប់នៅក្នុងការបំពេញមុខងារសាធារណៈ យោងលើពាក្យបណ្ដឹងផ្លូវការលេខ ០៦៨/១៨ គខក តែគណបក្សបានឃើញតុលាកាចេញដីកាកោះអញ្ជើញលោកបណ្ឌិត សុខ ទូច អោយបំភ្លឺពីបទកុបកម្មទៅវិញ។
លោក បានបន្តថា គណបក្សខ្មែរក្រោក ធ្វេីយុទ្ធនាការ«ស្នាមមេដៃមួយដើម្បីកោះត្រល់» នេះគឺក្រោយបោះឆ្នោតរួច ហើយការធ្វេីយុទ្ធនាការនេះ មិនបានដេីរប្រមូលស្នាមមេដៃ ដូចការលើកឡើងរបស់លោកសុខ ទូចទេ គឺធ្វេីក្នុងបក្សដោយសុំការអនុញ្ញាតិពីសាលាក្រុង៕
