បើតាមគណនីហ្វេសប៊ុក លោក រុន រ៉ុង បានសម្ដែងការសោកស្ដាយយ៉ាងខ្លាំងចំពោះការមើលងាយជីវិតមនុស្សពីសំណាក់មន្ទីរពេទ្យរដ្ឋខេត្តកំពង់ស្ពឺ ក្រោយករណីគ្រោះថ្នាក់ចរាចរណ៍ដ៏រន្ធត់នៅលើកំណាត់ផ្លូវជាតិលេខ៤ ក្នុងឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ កាលពីល្ងាចថ្ងៃទី៨ ខែមិថុនា ឆ្នាំ២០១៩ បណ្ដាលឲ្យមានជនរងគ្រោះស្លាប់១១នាក់ ហើយក្នុងនោះមានជនរងគ្រោះម្នាក់ជាកម្មករសំណង់ គឺមិនត្រូវបានខាងរថយន្តដឹកឡើយ ថាទាល់តែមានលុយសិនទើបបានដឹក។
គណនីដដែលបានឲ្យដឹងបន្តថា កម្មករសំណង់ ធ្វេីការនៅក្រុងព្រះសីហនុ មានស្រុកកំណេីតនៅកំចាយមារ ហើយបានលើកឡើងថារឿងដែលគួរអោយហួសចិត្តនោះ ក្រោយពីដឹងថាសពជាកម្មករសំណង់
ទី១ .ខាងឡានពេទ្យ និយាយថាមិនបាច់យកសពទៅស្រុកទេបេីគ្មានប្រាក់ពាន់។
ទី២. ប្រពន្ធជនរងគ្រោះ របួសឡានពេទ្យបែរជាដឹកទៅពេទ្យឯកជន ឈ្មោះ តា រ៉ន ក្នុងទីរួមខេត្ត ដោយគ្រាន់តែដាក់សេរ៉ូម១កំប្លោក ចាក់ថ្នាំ២ម្ជុល អស់១២០$ ។
គាត់បានបន្តទៀតថា ៖ សួរថាឯណាទៅសេវាសាធារណៈ? ឯណាទៅ គុណធម៌របស់ពេទ្យ? ដឹងថាគ្នាក្រហេីយ ជាន់កថែមទៀតនៀក? សម្តេច ស្រែកក្តែងៗ រថយន្តដឹងសព ដាច់ខាតមិនអោយយកលុយទេ ចុះហេតុអ្វី ទឹកដីកំពង់ស្ពឺ បែជានៅផ្គេីន? ឡានហ្នឹងប្រេង ហ្នឹងជារបស់ម៉ែឪលោកឯងចែកអោយផ្តាច់មុខមែន? អស់លោកឯងម្តេចគ្មានក្តីមេត្តាសោះអញ្ចឹង? ត្រង់គេអ្នកមានលុយ ជាគយ យកគេទៅប្រុចៗ ចុះកម្មរសំណង់ម្នាក់ហ្នឹងមិនមែននមនុស្ស ឬមិនមែនខ្មែរទេ? ខ្ញុំសូមអោយសម្តេចនាយករដ្នមន្រ្តី មេត្តា ជួយផងចុះ អាសូរណាស់ថ្ងៃនេះ បូជាសពទាំងភ្លៀង។
តែយ៉ាងណាសូមអរគុណជាអាណែកដល់លោកអាចារ្យវត្ត ត្រែងត្រយឹង ដែលបានផ្តល់ទីតាំងដេីម្បីបូជាសព
