បន្ទាយមានជ័យៈ កាលពីម៉ោង៤៖១៥នាទីល្ងាចថ្ងៃទី១៨ ខែមិថុនា ឆ្នាំ២០១៩ កម្លាំងនគរបាលក្រុងប៉ោយប៉ែត បានដាក់ពង្រាយកម្លាំងធ្វើការឡោមព័ទ្ធទីតាំងកាស៊ីណូ “ឡាក់គី” ស្ថិតក្បែររង្វង់មូល បង្កការភ្ញាក់ផ្អើលដល់មហាជនជាតិ-អន្តរជាតិយ៉ាងខ្លាំង។
ការឡោមពទ្ធ័នេះ សមត្ថកិច្ចនៅមិនទាន់បានបញ្ជាក់បានទេថា ជាប្រតិបត្តិការបង្ក្រាបករណីអ្វីនោះទេ តែបើយោងតាមប្រភពដែលអាចជឿទុកចិត្តបាន បានប្រាប់ថា អាចជាករណីបង្ក្រាបមុខសញ្ញាជួញដូរគ្រឿងញៀន។
ប្រភពបញ្ជាក់ថា នៅក្នុងក្រុងប៉ោយប៉ែត មុខសញ្ញាជួញដូរគ្រឿងញៀនធំៗ តែងតែយកទីតាំងកាស៊ីណូ និងខារ៉ាអូខេទំនើបៗសម្រាប់ផ្ទេរ ឬដោះដូរគ្រឿងញៀន ជាក់ស្តែងដូចជាទីតាំងខារ៉ាអូខេ អេ ជី អរ ដែលទើបបង្ក្រាបបានថ្មីៗ៕
