header ads

Sponsor

ព្រះសីហនុ៖ នៅ​រសៀល​ថ្ងៃទី​១៣ ខែមិថុនា ឆ្នាំ​២០១៩ ឯកឧត្ដម​ទេសរដ្ឋមន្ដ្រី ស៊ុន ចាន់ថុល រដ្ឋមន្ដ្រីក្រសួង​សាធារណការ និង​ដឹកជញ្ជូន អញ្ជើញ​ពិនិត្យ​ស្ថានភាព​ពិត​ដោយ​ផ្ទាល់​លើផ្លូវ​ជាតិ​សំខាន់ៗ​ចំនួន​៤​ខ្សែ នៅ​តំបន់​ភាគ​ខាងត្បូង មានដូចជា ផ្លូវជាតិ​លេខ៤១ ផ្លូវជាតិ​លេខ៣៣ ផ្លូវជាតិ​លេខ៣១ និង​ផ្លូវជាតិ​លេខ​៣ ដែល​ស្ថិត​ក្នុង​ខេត្តកំពង់ស្ពឺ កំពត កែប តាកែវ និង​ខេត្ត​ព្រះសីហនុ ជាមួយនឹង​ប្រតិភូ​ជំនាញ​ៗ​ជាច្រើនរូប នៃ​វិស័យ​សាធារណការ និង​វិស័យ​ដឹកជញ្ជូន ។

ក្នុងឱកាសនេះលោកថា ក្រសួង​មិន​អាច​ទទួលយក​បានទេ ចំពោះ​ការ​ជួសជុល​ផ្លូវជាតិ​លេខ​៣ មួយ​កំណាត់​ពី​ខេត្ត​កំពត ឆ្ពោះ​ទៅ​រង្វង់​មូល​វាលរេញ ក្នុងស្រុក​ព្រៃនប់ ខេត្ត​ព្រះសីហនុ ភ្ជាប់​នឹង​ផ្លូវជាតិ​លេខ​៤​ ដោយឯកឧត្តមបាន​សង្កត់ធ្ងន់ថា ក្រុមហ៊ុន​ឯកជន​បាន​ជួសជុល​ខុស​បច្ចេកទេស ផ្លូវ​កំពុង​ជួសជុល​មិនទាន់រួច​ផង ចាប់ផ្ដើម​ខូច​បណ្ដើរៗ​វិញ​។

ឯកឧត្ដម ទេសរដ្ឋមន្ដ្រី បាន​ប្រៀបធៀប​ថា អាវ​ថ្មី​មួយ​ទិញ​អស់​ជាង​១០​លាន​ដុល្លា បែរជា​សុទ្ធតែ​បំណះ ដូច្នេះ​ក្រសួង​សាធារណការ មិនអាច​ទទួលយកបាន​នោះទេ ក្រុមហ៊ុន​ជួសជុល​ត្រូវតែ​ធ្វើឱ្យ​ល្អ​សារជាថ្មី​ឡើងវិញ ដែលមាន​ក្នុង​គម្រោង​ជា​ផ្លូវ​កៅស៊ូ​AC​។​

 ឯកឧត្ដម ទេសរដ្ឋមន្ដ្រី ក៏​សូម​ថ្លែង​នូវ​ការសុំ​អភ័យទោស​ដល់​ប្រជាពលរដ្ឋ​ដែល​ប្រើប្រាស់​ផ្លូវ​ផងដែរ ចំពោះ​កំហុស​របស់​ក្រុមហ៊ុន​ទទួលបន្ទុក​ការជួសជុល​ផ្លូវជាតិ​លេខ​៣​មួយ​កំណាត់​នេះ ដែល​បានធ្វើ​ខុស​បច្ចេកទេស​បែបនេះ ហើយ​រំខាន​ដល់​ការធ្វើដំណើរ​របស់​ប្រជាពលរដ្ឋ​។​

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post