header ads

Sponsor

ភ្នំពេញៈ នៅ​ព្រឹកថ្ងៃទី៧ ខែមិថុនា ឆ្នាំ ២០១៩ នគរបាលការិយាល័យព្រហ្មទណ្ឌកម្រិ​តធ្ងន់នៃនាយកដ្ឋានព្រហ្មទណ្ឌក្រសួងមហាផ្ទៃ បានបញ្ជូនបុរសជនជាតិអាមេរិកម្នាក់ មកកាន់សាលាដំបូងរាជធានីភ្នំពេញ ពាក់ព័ន្ធករណីរក្សារទុកនឹងប្រើប្រាស់អាវុធដោយខុសច្បាប់។

ជនសង្ស័យឈ្មោះ ABOU RAMAN ភេទប្រុស អាយុ៣០ឆ្នាំ ជនជាតិអាមេរិក។ ចំណែកស្ត្រីជនជាតិចិនឈ្មោះ Lopex  Xian អាយុ៣២ឆ្នាំ ជាសង្សាររបស់ជនសង្ស័យ និងឈ្មោះ ភឿន សារ៉ា ភេទប្រុស ជនជាតិខ្មែរ ជាមន្ត្រីយោធា និងជាអ្នកស៊ី​ឈ្នួលយាមផ្ទះឲ្យ​ជនសង្ស័យ ត្រូវបានដោះលែងឲ្យ​មានសេរីភាពវិញហើយ ដោយសារអ្នកទាំង២ មិនពាក់ព័ន្ធនិងបទល្មើស។

ក្នុងការចាប់ខ្លួនជនសង្ស័យជនជាតិអាមេរិក សមត្ថកិច្ចរឹបអូសនិងបញ្ជូនវត្ថុតាងអាវុធខ្លី ប្រភេទទំនើបៗចំនួន៩ដើម គ្រាប់៩ម.ម ចំនួន៦៦គ្រាប់ មកអោយតុលាការផងដែរ។

ជនសង្ស័យ និងអាវុធយុទ្ធភណ្ឌទាំងនេះ ត្រូវបានសមត្ថកិច្ច ធ្វើការស្រាវជ្រាវ និងឃាត់ខ្លួន  កាលពីថ្ងៃទី៣ ខែមិថុនា ឆ្នាំ២០១៩ នៅចំណុចផ្ទះលេខ២០ ផ្លូវលេខ៩៧ សង្កាត់ផ្សារដើមថ្កូវ  ខណ្ឌចំការមន រាជធានីភ្នំពេញ។

សមត្ថកិច្ចសង្ស័យថា បុរសជនជាតិអាមេរិកនេះ គឺជាបណ្ដាញជួញដូរអាវុធឆ្លងដែនយ៉ាងសកម្ម ដោយមានបក្ខពួកធ្វើការនាំចូលអាវុធ និងលក់បន្តអោយជនសង្គមងងឹត។

ផ្ដើមចេញពីការបង្ក្រាបនៅភ្នំពេញ ប្រភពព័ត៌​មានពីខេត្តសៀមរាប បានអោយដឹងថា សមត្ថកិច្ចខេត្តសៀមរាបបានចាប់ខ្លួនបុរសជនជាតិខ្មែរ៣នាក់ផងដែរ ជាអ្នកទិញកាំភ្លើង៕

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post
Sponsor