ភ្នំពេញៈ តាមការគ្រោងទុកនៅថ្ងៃទី២០មិថុនា ឆ្នាំ២០១៩នេះ ចៅក្រមសាលាដំបូងរាជធានីភ្នំពេញ នឹងធ្វើការប្រកាសសាលក្រមផ្ដន្ទាទោសចំប៉ីខ្មៅដែលពាក់ព័ន្ធបទល្មើសញុះញង់អោយមានកាតរើសអើង និងបទជេរប្រមាថជាសាធារណៈ។
ជនជាប់ចោទឈ្មោះ យិន ហេង ហៅ ចំប៉ីខ្មៅ កើតនៅថ្ងៃទី២៦ ខែកុម្ភៈ ឆ្នាំ១៩៩៦ នៅភូមិអណ្តូងពោធិ៍ សង្កាត់កំពង់ប្រណាក ក្រុងព្រះវិហារ ខេត្តព្រះវិហារ ត្រូវបានតុលាការចោទប្រកាន់ពីបទញុះញង់អោយមានការរើសអើង និងបទជេរប្តាតមាថជាសាធារណៈ តាមមាត្រា៤៩៦នៃក្រមព្រហ្មទ័ណ្ឌ ហើយចៅក្រម
ចេញដីកាសើបសួរបានសម្រេចចេញដីកាឃុំខ្លួននៅយប់ថ្ងៃទី០៦កុម្ភៈ ឆ្ដោនាំ២០១៩។
នៅក្នុងសវនាការជនជាប់ចោទបានសារភាពកំហុសថាខ្លួនគេពិតជាបានជេរត្មះតិដៀលដូចនៅក្នុងវីដេអូរឃ្លីបយ៉ាងដូច្នេះមែន ដោយសារខឹងសម្បានិងយុវជន៣នាក់ជិៈម៉ូតូមកខោកក្បាលរបស់គេដោយមិនដឹងមូលហេតុ។ ជាមួយនិងការសារភាពកំហុស ជនត្រូវចោទក៏បានសូមអភ័យទោសសំណាក់ប្រជាពលរដ្ឋទូទាំងប្រទេសចំពោះកំហុសឆ្គងដែលកើតឡើងនោះ។
ដោយសារជនត្រូវចោទបានសារភាពកំហុស មិនមានឧបសគ្គស្មុគ្រស្មាញដល់នីតិវិធីតុលាការ ចៅក្រមជំនុំជំរះ លោក ម៉ៅ ស៊ីណា ក៏បានសម្រេចលើកពេលទៅប្រកាសសាលក្រមរឿងក្ដីនេះនៅថ្ងៃទី ២០មិថុនា ឆ្នាំ២០១៩ស្អែកនេះ។
យិន ហេង ហៅចំប៉ីខ្មៅត្រូវបាននគរបាលចាប់ខ្លួន កាលពីល្ងាចថ្ងៃទី០៥ ខែកុម្ភៈ ឆ្នាំ២០១៩នៅ ហាងកាហ្វេ មួយកន្លែងក្នុងទឹកដីខណ្ឌដូនពេញ ហើយបានបញ្ជូនមកកាន់តុលាការនៅថ្ងៃទី ០៦កុម្ភៈ ។
ដើមចមដែលនាំឲ្យសមត្ថកិច្ច ឃាត់ខ្លួនជនសង្ស័យ រូបនេះ គឺកាលពីវេលាម៉ោង១៧៖២៥នាទីយប់ថ្ងៃទី០៤ ខែកុម្ភៈ ឆ្នាំ២០១៩ នៅចំណុចមុខព្រះបរមរាជវាំង ជនសង្ស័យ បានបង្ហោះ សារជាអក្សរ លើទំព័រ ហ្វេសប៊ុក ឈ្មោះ ចំប៉ីខ្មៅ Chompey Khmoa ថា ជូនពូជអាខ្មែរតិរិច្ឆាន៣នាក់ ដែលជិះម៉ូតូមកខោកក្បាលខ្ញុំតាមផ្លូវ និងមានភ្ជាប់ឃ្លីប វីដេអូ រយៈពេល ១នាទី ៥៣វិនាទី ដោយជេរក្រុមជនបង្កដែលបានវាយក្បាល គាត់ មួយក្រញ៉ និងបានប្រមាថដល់ពូជសាសន៍ខ្មែរយ៉ាងធ្ងន់ធ្ងរ។
ការប្រមាថពូជសាសន៍ខ្មែរ ដោយសារកំហឹងចំពោះអ្នកវាយក្បាលគាត់បែរនេះ បានធ្វើឲ្យ មហាជន ជាពិសេសក្រុមអ្នកនិយមលេងបណ្តាញសង្គមហ្វេសប៊ុក ថ្កោលទោស និងទាមទារឲ្យសមត្ថកិច្ចស្វែងរកចាប់ខ្លួនជននេះអោយខាងតែបានដើម្បីយកមកផ្ដន្ទាទោសតាមច្បាប់អោយស័ក្ដសមទៅនិងកំហុស។
ជាការកត់សម្គាល់ឈ្មោះយិន ហេងប្រើអាខោនហ្វេសបុកឈ្មោះចម្បីខ្មៅនេះធ្លាប់បង្កការក្ដៅក្រហាយតាមបណ្ដាញសង្គមច្រើនដងហើយ តាំងពីករណីដែលអង្គការយូនីស្កូចុះបញ្ជីទទួលស្គាល់ល្ខោនខោល របស់ខ្មែរចូលជាបិតិភ័ណ្ឌពិភពលោក និងជម្លោះកន្លែងចតយានយន្តជាដើម ដោយអាជ្ញាធរខ័ណ្ឌបានអោយជននេះធ្វើកិច្ចសន្យាបញ្ឈប់ការបង្កបញ្ហាទៀត៕
