Thursday, June 27, 2019

លោកស្រី មូរ សុខហួរ ថាសមាជិកសភា EU ៦រូបនឹងអមដំណើរ ជាមួយលោក សម រង្ស៊ី មកកម្ពុជា

ភ្នំពេញ ៖ នៅថ្ងៃទី២៧ ខែមិថុនា ឆ្នាំ២០១៩  ក្នុងឱកាស ចូលរួមប្រជុំមួយក្នុងសភាអឺរ៉ុប ជាមួយលោក សម រង្ស៊ី និងភរិយាលោក សម រង្ស៊ី នៅទីក្រុងព្រុចស៊ែល ប្រទេសប៊ែលហ្សិក លោកស្រី មូរ សុខហួរ អតីតមន្រ្តីគណបក្សសង្រ្គោះជាតិ បានលើកឡើងថា “ មកដល់ពេលនេះមានសមាជិករដ្ឋសភា សហភាពអឺរ៉ុប ចំនួន៦រូបហើយ ដែលបានបញ្ជាក់ពីការចូលរួមដំណើរមាតុភូមិនិវត្តន៍ ជាមួយលោកប្រធានស្តីទី សម រង្ស៊ី និងថ្នាក់ដឹកនាំ គណបក្សសង្គ្រោះជាតិផ្សេងៗទៀត ក្នុងពេលឆាប់ៗនេះ” ។

តាមរយៈការបកប្រែជាភាសាខ្មែរ របស់លោកស្រី មូរ សុខហួរ បានថ្លែងថា សមាជិកសភា EU ម្នាក់ក្នុងចំណោម៦នាក់ ដែលថា នឹងអមដំណើរមកនោះ ដែលមកពីប្រទេសអេស្ប៉ាញ “ខ្ញុំមានការអាណិតប្រជាពលរដ្ឋកម្ពុជា ខ្ញុំត្រូវតែទៅជាមួយមិត្តរបស់ខ្ញុំ ទៅប្រទេសកម្ពុជា។ នៅក្នុងប្លុកថ្មី ដែលទើបតែបោះឆ្នោតនៅសភាអឺរ៉ុបនេះ គឺខាងប្រជាធិបតេយ្យសេរីនិយម គឺពួកខ្ញុំបានឈ្នះ ហើយខ្ញុំនឹងរក្សានូវអ្វី ដែលជាជំហរនៃក្រុមរបស់ខ្ញុំ ដើម្បីទាមទារឲ្យមានសិទ្ធិមនុស្ស និងលទ្ធិប្រជាធិបតេយ្យនៅកម្ពុជា”៕

Feature Ads