![](https://blogger.googleusercontent.com/img/b/R29vZ2xl/AVvXsEhut7QobvQQ5GMiJFrqfE1s_EZkuODYnXMAPeQez7KH3rayg6wcJnKvSau68hDbCcy5VIXTJg1yRzANtvN_dNzHuO7pZmicqnF-X5Y1KFOiom7SIHx1eKlhPnoIsI-I4PT0oJCzV57oUNAc/s1600/Thumbnail-Recovered.jpg)
ភ្នំពេញ៖ នៅព្រឹកថ្ងៃទី២៩ ខែកក្កដា ឆ្នាំ២០១៩នេះ លោក ជឹម ស៊ីថា អធិការដ្ឋាននគរបាលខណ្ឌដង្កោ បានឲ្យដឹងថា កាលពីវេលាម៉ោង ២០និង ០០នាទីយប់ ថ្ងៃទី២៨ ខែកក្កដា ឆ្នាំ ២០១៩ កម្លាំងសមត្ថកិច្ចនគរបាលខណ្ឌដង្កោ បានបើកការស្រាវជ្រាវបង្ក្រាបជាក់ស្តែងករណី ជួញដូរដោយខុសច្បាប់នូវសារធាតុញៀនបានជាង២០ គីឡូក្រោម និងឃាត់បុរសជនជាតិនីសេរីយ៉ា៣នាក់ ត្រង់ចំណុចក្នុងផ្ទះសំណាក់ យីហោ តូនី ផ្លូវបេតុង ភូមិចំរើនផល សងា្កត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ។
ប្រត្ដបត្ដិការនេះមានការសម្របសម្រួលពី លោកស្រី កែវ សុគន្ធា ព្រះរាជអាជ្ញារងអមសាលាដំបូងរាជធានីភ្នំពេញ ដោយដឹកនាំបញ្ជាផ្ទាល់ពីលោកវរសេនីយ៍ឯក ជឹម ស៊ីថា អធិការ នគរបាលខណ្ឌដង្កោ ។
សមត្ថកិច្ចបានឲ្យដឹងថា ជនសង្ស័យដែលបានឃាត់ខ្លួនចំនួន០៣នាក់៖
-ទី១ឈ្មោះ ម៉ាឌូកា ចនអេសឈីប៊ូឌូ ហៅ MADUKAJONASCHIBU DO ភេទប្រុស អាយុ៣៥ឆ្នាំ ជនជាតិ នីសេរីយ៉ា មុខរបរ មិនពិតប្រាកដ ស្នាក់នៅផ្ទះសំណាក់តូនី ផ្លូវបេតុង ភូមិចំរើនផល សងា្កត់ស្ទឹងមានជ័យ២ ខណ្ឌមាន ជ័យ រាជធានីភ្នំពេញ ។
-ទី២ឈ្មោះ អ៊ូប៊ីស៊ីស៊ីកោឌីណាកាឈីម័ររៀ ហៅ OBIESIE CHIKA ODINAKA CHIEMERIE ភេទប្រុស អាយុ២៥ឆ្នាំ ជនជាតិនីសេរីយ៉ា មុខរបរមិនពិតប្រាកដ ស្នាក់នៅផ្ទះសំណាក់តូនី ផ្លូវបេតុង ភូមិចំរើនផល សងា្កត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ។
-ទី៣ឈ្មោះ DAVIS CANKWDO ភេទប្រុស អាយុ៣០ឆ្នាំ ជនជាតិនីសេរីយ៉ា មុខរបរលក់ដូរ ស្នាក់នៅផ្ទះជួលបុរីពិភពថ្មីចំការដូង ភូមិថ្មី សងា្កត់ដង្កោ ខណ្ឌដង្កោ រាជធានីភ្នំពេញ ។
វត្ថុតាងចាប់យក៖
ទី១-ក្រាមពណ៌សថ្លាចំនួន ២១ កញ្ចប់ថង់ផ្លាស្ទីចពណ៌លឿង
ទី២-លិខិតឆ្លងដែនចំនួន០៣ក្បាល
ទី៣-សាក់កាដូ (កាបូបស្ពាយ) ចំនួន០២ (ពណ៌ខ្មៅ០១,ពណ៌ខៀវ០១)
ទី៤-ទូរស័ព្ទដៃចំនួន០៤គ្រឿង (SAMSUNG S8+ ពណ៌ខ្មៅចំនួន០១,NOKIA ចុចពិលពណ៌ខ្មៅចំនួន០១,NOKIA 3310 ពណ៌សចំនួន០១,SAMSUNG J7 ពណ៌ទឹក មាសចំនួន០១)
ទី៥-ឯកសារមួយចំនួន ។
បច្ចុប្បន្នជនសង្ស័យទាំង០៣នាក់ សមត្ថកិច្ចយកមកធ្វើការសាកសួរនៅអធិការដ្ឋាននគរបាលខណ្ឌដង្កោ និងកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការបន្ដតាមនីតិវិធី ៕
![](https://blogger.googleusercontent.com/img/b/R29vZ2xl/AVvXsEjdoQDHcTj6gs_Di1TKXSKNI8z-dJ0bEU9gjKhmyWtJxZB3mU01vCMY5Wcsrh7FZ_lKG0e9vVjlelwY3UuIJ_ALHxuBZ1erWY21h08KcG5VcgJes2q4MYfquxoamEel6LzVJq88Mo0KCcDr/s1600/1+%25281%2529.jpg)
![](https://blogger.googleusercontent.com/img/b/R29vZ2xl/AVvXsEjDlaElpQSXL0of1MbzmaDzmyeR3JmlFX8H4UQZl8pfrnv80Pu59lackFCDbHAQSZ0qgMMGFWeZu0KYMEQ9x8960Yu67RyjY_0WeJ91xrQOwdH8jfEqYq86IV_7nniBPtqP7Wn4bp84H4nQ/s1600/1+%25282%2529.jpg)
![](https://blogger.googleusercontent.com/img/b/R29vZ2xl/AVvXsEiMwEwMDe99VZzvTaPEMKttggdAQeDCe3nbCWmWZyYySu-dMIHCXoQrAi3dUsORuw_9RHpEdpRzNP0hV85JQ8DRPHf2S1KdKShp-SgbByEd9z8nhencvR0pDSPcaA4gruv-gu571-GD4Ve3/s1600/1+%25283%2529.jpg)
![](https://blogger.googleusercontent.com/img/b/R29vZ2xl/AVvXsEhC6YLzfR4N9lMttRIAl4wO1EvhvrpHokdQxXdBH6lq0n1lscWtpNWQ5V3_rcdl1hiiSF42eCP3I0xsP9tnIFsJ4rW78gT3mFmAN01cBdZjR-MWKzXKgVp7mO0TaYeI9rr8DardzBoxq_gH/s1600/67231893_2295011994092455_8062490089537667072_o.jpg)
![](https://blogger.googleusercontent.com/img/b/R29vZ2xl/AVvXsEgVxJeL9d7bX_V2drW3vYKLPO4Di5l7DUPPR56vI51mBw3ymuiHtP_TV7A63mHiJj8Tl4rhScBCzlgUp8-sJ3Hslh0nv9QpZ-dqaCl6T5Tyomf9ZYJyNV8A0iO8AIKxUeZ_0n7LkbqgVH8b/s1600/67315677_2295011880759133_3538766182448365568_o.jpg)
![](https://blogger.googleusercontent.com/img/b/R29vZ2xl/AVvXsEgd6rsuTpCumWc5zLSXdVCVQRz0twVFom5DCdIHoIA9T9uWvAKMd4lIVdM0_dsN6FCmctzILpMYM8rskU-ZWOqFyXtcTVK6FUF5_K_gWhCHSFK5RXEcjy3OW2osWatvYhbA5CYMJgDGw32N/s1600/67561443_2295011844092470_7330763920136732672_n.jpg)
![](https://blogger.googleusercontent.com/img/b/R29vZ2xl/AVvXsEg-mG5V-N3UC5TAShMHfiREUmp_odbQzCdWvaESlZqaHI1pFbHi7AHUQZS7gnwjg6jsL1nNQH7d7RdLOq4Ohu1irkWlX5H2efAcOCYAgcgK4uhb8mbJ-g9DFRJCFHu_pQ7s3K9b91S8g12Z/s1600/67838977_2295011770759144_2239541264057892864_o.jpg)