កំពតៈ លោក ហ៊ុន សុខា ប្រធានក្លឹបអ្នកការសែតឯករាជ្យ និងកូនចៅចំនួន៨នាក់ទៀត ត្រូវបានសាលាដំបូងខេត្តកំពត គាស់ហៅមកសួរនាំពីរថ្ងៃជាប់ៗគ្នា គឺថ្ងៃ១៦ និងថ្ងៃ១៧ កក្កដា ២០១៩។
គេបានសង្កេតឃើញថា នៅថ្ងៃទី១៦ កក្កដានោះ អ្នកការសែតជាច្រើន បានមកឈរចាំស្ដាប់ដំណឹងតុលាការ ខណៈតុលាការរបានហៅទៅសាកសួរក្នុងបន្ទប់ម្ដងម្នាក់ៗ ពាក់ព័ន្ធឡាយវីដេអូ រឿងគយនៅច្រកទ្វារព្រំដែនអន្តរជាតិព្រែកចាក កាលពីខែមុន ហើយមន្ត្រីគយបានដាក់ពាក់បណ្ដឹងនៅសាលាដំបូងខេត្ត។ នៅវេលាម៉ោង២រសៀលថ្ងៃទី១៧ កក្កដា លោក ហ៊ុន សុខា ត្រូវបានតុលាការសួរនាំបញ្ចាប់។
លោក ហ៊ុន សុខា បានដើរចេញពីតុលាការ និងមានកូនចៅជាច្រើនបានជូនបាច់ផ្ការសាទរនៅមុខសាលាដំបូងផងដែរ។ លោក ហ៊ុន សុខា បាននិយាយប្រាប់ពួកអ្នកកាសែត ដែលមានអង្គភាពផ្សេងៗគ្នាថា យើងអត់មានបញ្ហាអីទេ។ លោក ហ៊ុន សុខា និយាយទៀតថា យើងកុំជឿពាក្យចចាមអារ៉ាមទាំងឡាយណា ដែលធ្វើអោយប៉ះពាល់ដល់ស្ថាប័នច្បាប់។
លោក ឯក ឆេងហួត ព្រះរាជអាជ្ញារអមសាលាដំបូងខេត្តកំពត បានប្រាប់ឲ្យអ្នកកាសែតដឹងតាមទូរស័ព្ទនៅល្ងាចថ្ងៃទី១៧ កក្កដាថា នេះគ្រាន់តែសួរនាំទេ យើងនៅមានការស៊ើបអង្កេតទៀត៕
