![](https://blogger.googleusercontent.com/img/b/R29vZ2xl/AVvXsEiQ0pwctryu33_sYDb_llmDA_GUCSy56rkElEg3m57BkyXl-hnTBezkL22Ih94oZeRSMHov1O6D32AxkW9mbqaKBCtxYiciUN-Bn_6DwxY3KMyWWB3c-IynvIJyVk4NkG6lulw12fB1CCEm/s1600/Thumbnail-Recovered.jpg)
ភ្នំពេញ៖ នៅរសៀលថ្ងៃទី៣០ ខែកក្កដា ឆ្នាំ២០១៩នេះ សមត្ថកិច្ចបានឲ្យដឹងថា ជនដៃដល់ដែលបានវាយសម្លាប់ជនរងគ្រោះ នៅក្នុងហាងថតរូបល្អពេញចិត្តកាលពីចុងខែឧសភា ឆ្នាំ២០១៩កន្លងទៅនោះ នៅពេលនេះកម្លាំងនគរបាលបានរួមដៃគ្នាតាមចាប់បានហើយ ដល់ខេត្តបន្ទាយមានជ័យ។
ជនដៃដល់ឈ្មោះ ឈុន ឌឹម អាយុ២៦ឆ្នាំ ស្នាក់នៅផ្ទះលេខ១៤៣ ផ្លូវ២៨៦ សង្កាត់ទួលស្វាយព្រៃ២ ខណ្ឌចំការមន ។
ជនដៃដល់កំពុងតែនាំខ្លួនមកកាន់រាជធានីភ្នំពេញ ដើម្បីចាត់ការបន្តទៀត។
![](https://blogger.googleusercontent.com/img/b/R29vZ2xl/AVvXsEgkoGEANTTO5O0QGjX4AAjLTAAYm8EP_gNmFBqgxR_K9tbjXyf2hi5nAmBZk43OepVGAgJ2kS2m0lZpYLkeUf7gu57PNLn8gmpKIA2UHknVQb7wn-ZbNOKmHZcIr1vt3eCHTRkR4b3JQbBI/s1600/411+%25281%2529.jpg)
![](https://blogger.googleusercontent.com/img/b/R29vZ2xl/AVvXsEgVditSvkQW5GDRIiPmwzrCQvsVtgE_qEu_oC3eqCtkST-3PKxbUouJ_Vdnxra7oPR8eKs5QiknJ13lYWiXKoBtASC7foTWq7MNjr9SttaXwD43cuZOBwXLA1HRqV7T6_0tXRnGzKcw6Bwr/s1600/411+%25282%2529.jpg)
សូមបញ្ជាក់ថា អំពើឃាតកម្មដ៏សាហាវនេះ បានបង្កឲ្យមានការភ្ញាក់ផ្អើលកើតឡើង នៅល្ងាចថ្ងៃទី២៧ ខែឧសភា ឆ្នាំ២០១៩ នៅហាងល្អពេញចិត្ត ផ្ដិត និងថតរូប តាមបណ្ដោយផ្លូវព្រះមុនីរ៉េត សង្កាត់ទួលស្វាយព្រៃទី២ ខណ្ឌចំការមន រាជធានីភ្នំពេញ។
ជនសង្ស័យដែលប្រើបំពង់ទីបវាយមកលើបងប្រុសថ្លៃគាត់នេះ កើតចេញពីការប្រចណ្ឌជនរងគ្រោះជាមួយប្រពន្ធរបស់ខ្លួន ដែលធ្វើការនៅហាងផ្តិតរូបជាមួយគ្នា ដែលប្រពន្ធជនល្មើសលេងសើច ជាមួយជនរងគ្រោះយ៉ាងមានភាពស្និតស្នាល។ ប៉ុន្ដែនៅថ្ងៃកើតហេតុនេះ ប្រពន្ធរបស់ជនបង្កមិននៅនោះទេ ពោលគាត់បានទៅស្រុកកំណើត ដោយសារឈ្លោះគ្នាជាមួយជនបង្ក។
ជនរងគ្រោះ ឈ្មោះ ផុន សាលីន អាយុ២៨ឆ្នាំ មុខរបរបុគ្គលិកហាង រងរបួសផ្នែកក្បាលធ្ងន់ធ្ងរ (ស្លាប់ពេលបញ្ជូនទៅសង្គ្រោះនៅវៀតណាម)៕
![](https://blogger.googleusercontent.com/img/b/R29vZ2xl/AVvXsEiFiQ3ZvuadrUSsUXEgtrIt4j3zbF8GMjLXvoh9UGLg3VSpuH_PExbX5XFfKc3SGIA9NNBDLRk10GVMnPlRwZauMvtuG74NrX8SwUS60NyuYtX-V8Ny-4jj18IO_W7wB4xUir-pQ6_VDeRj/s1600/411+%25283%2529.jpg)
![](https://blogger.googleusercontent.com/img/b/R29vZ2xl/AVvXsEiMmS41HpCyUq8BGaNjg6XT__w6vaYg_luhJgX4qzS_-KFzNWDt3_5KLA7qdJp9WsyApO3Sx8ukkM2KRsgMAt0erM9gZoB_KLHOdNQHaFEdAaIPiwQEbjC700ZF0wM7Oa32EVrFCySSmjRF/s1600/411+%25284%2529.jpg)
![](https://blogger.googleusercontent.com/img/b/R29vZ2xl/AVvXsEhJE_QpBEge89uygmjQRd7Gp-XxKSW0ivNwacpYIS2vtP9v5jYuMQO0J08fhq14gQzCG15MoLGWmtL5KjWep5r8k7fPzgVEhC9Z66M0BpOHw5BlQNnlN1o5w_pUkEmW7nQOU8AyjNg_l9sK/s1600/411+%25285%2529.jpg)
![](https://blogger.googleusercontent.com/img/b/R29vZ2xl/AVvXsEhoUB-bGUlISpTWxX7VzAkuIEoliwFVtW5Y23dQl9IQY-J48xxCoqCnAGZrYXIrIMibqSOvgBxbv8XNtKvpq4yYfMON_53mg2DB6INrWtaOOyV2dIAeli27q__YsPyQwWNA2NUDMTFfZJP3/s1600/411+%25286%2529.jpg)