កែបៈ រថយន្តកាមរីឆ្លាមមួយគ្រឿង ដែលម្ចាស់ទើបតែទិញថ្មី បានបើកធ្លាក់ប្រឡាយ ធ្វើឲ្យមានការភ្ញាក់ផ្អើលដល់អ្នកភូមិចោមរោមគ្រប់គ្នា ។ ហេតុការណ៍នេះ បានកើតឡើងនៅវេលាម៉ោង១៖២០នាទីរសៀលថ្ងៃទី២៧ កក្កដា ឆ្នាំ២០១៩ នៅចំណុចភូមិអំពែង ឃុំអង្កោល ស្រុកដំណាក់ចង្អើរ ខេត្តកែប។
រថយន្តដែលបើកធ្លាក់ប្រឡាយនោះ ម៉ាកកាមរីឆ្លាមពណ៌ស បើកបរដោយបុរសម្នាក់ជាមន្ត្រីសាលាក្រុងកែប បានរេចង្កូតជ្រុលធ្លាក់ទៅប្រឡាយ តែមិនបណ្ដាលឲ្យមានអ្នករបួសឡើយ គ្រាន់តែធ្វើឲ្យប្រជាពលរដ្ឋនៅទីនោះមានការភ្ញាក់ផ្អើលយ៉ាងខ្លាំង។
សាក្សីនៅកន្លែងកើតហេតុ បានឲ្យដឹងថា មុនពេលកើតហេតុ គេឃើញបុរសរូបនោះ បើករថយន្តមកពីកើតទៅលិច ដល់ចំណុខខាងលើ ក៏ឃើញរថយន្តនោះរេចង្កូតធ្លាក់ទៅក្នុងប្រឡាយតែម្ដង។
បើតាមបុរសជាអ្នកបើករថយន្ដ បានដឹងថា ពេលកំពុងបើកបរ មានគេស្រែកហៅពីខាងក្រៅពេលនោះ គាត់ក៏ងាកមុខក្រោយ ហើយលើកជើងជាន់ហ្វ្រាំងតែវាជាន់ខុសប៉ះចំលើហ្គា ហើយក៏ធ្លាក់ពីលើថ្នាល់ទៅចូលប្រឡាយតើម្ដង៕
![](https://blogger.googleusercontent.com/img/b/R29vZ2xl/AVvXsEhvEUEm88G6SxB8HoZyr_Lzsr-A1WKlvyRsGdsbyyadChYK-gJtJVbcpxb_DUdmzfEdYAScsfEOR6-shcaIPkpTNe9ZuDKv4S4ZqZvT4UWtrvTPK7AxtPhx5oQOMhaPm7FJVa5BXPtiWfEf/s1600/1+%25281%2529.jpg)
![](https://blogger.googleusercontent.com/img/b/R29vZ2xl/AVvXsEjxEV9EkWF3dF4DUZpBha7OoE-IzSI3JgXgxEwEFO0C-S8UtaV3qjOVTFHnWmWPyz5Mpn4iXhjlv5n617S9jeDQS_YKZycwHAo_rTUqm8otf9GtZsVg-BbbB9DRQhJObHpPPGZ4w7D82Ekr/s1600/1+%25282%2529.jpg)
![](https://blogger.googleusercontent.com/img/b/R29vZ2xl/AVvXsEj09oES83Ewgy1Sldo9fWhNJWVEbQbYBG5vGCY-LrPg7oh-vFwGK28oSUyC20ZudKQcIE7WQaEz9sqAUKl2G6ZtQGIYH3MORi5z-CHeuNJBICPyKaE2GNwmZLfxgKs1jjfNpo-SGDQON4AF/s1600/1+%25283%2529.jpg)