កំពង់ឆ្នាំង: កាលពីថ្ងៃទី៥ ខែកក្កដា ឆ្នាំ២០១៩ សមត្ថកិច្ចចាប់បានហើយជនសង្ស័យម្នាក់ក្នុងករណីប្លន់ម៉ូតូឌុប នៅឃុំតាំងក្រសាំង ស្រុកទឹកផុស កាលពីថ្ងៃទី៤ ខែកក្កដា ឆ្នាំ២០១៩ ត្រូងសមត្ថកិច្ចចាប់ខ្លួនបានហើយ និងដកហូតបានវត្ថុតាង គឺម៉ូតូរបស់ជនរងគ្រោះផងដែរ។
ជនសង្ស័យដែលត្រូវសមត្ថកិច្ចចាប់ខ្លួនពីបទប្លន់នេះឈ្មោះមុំ សុខន ភេទប្រុស មានទីលំនៅក្នុងភូមិកណ្តាល សង្កាត់ផ្សារឆ្នាំង ក្រុងកំពង់ឆ្នាំង។
គួរំលឹកថា បុរសអ្នករត់ម៉ូតូឌុបម្នាក់ត្រូវបាន ជនសង្ស័យយកកាំបិតចាក់ប្លន់យកម៉ូតូមួយគ្រឿងទៅបាត់ដោយសុវត្ថិភាព។ ជនសង្ស័យល្បួងជនរងគ្រោះឲ្យឌុបចេញពីកំពង់ផែកាណូតដរ ដល់កន្លែងស្ងាត់ ក៏ធ្វើសកម្មភាពចាក់ប្លន់តែម្តង។ ហេតុការណ៍ចាក់ប្លន់យកម៉ូតូនេះ បានកើតឡើងកាលពីវេលាម៉ោងជាង១០ថ្ងៃទី៤ ខែកក្កដា ឆ្នាំ២០១៩ នៅត្រង់ចំណុចព្រៃរណ្ដៅថ្ម ក្នុងភូមិក្រាំងតាមុំ ឃុំតាំងក្រសាំង ស្រុកទឹកផុស ខេត្តកំពង់ឆ្នាំង។
ជនរងគ្រោះមានឈ្មោះ ម៉ាត់ សូហ្វីយ៉ា ភេទប្រុស អាយុ៦០ឆ្នាំ អតីតជាគ្រូបង្រៀន ចូលនិវត្តន៍។ ជនរងគ្រោះជិះម៉ូតូម៉ាកហុងដាសេ១២៥ ឆ្នាំ២០១១ បិទតែម ឆ្នាំ២០១៣ ពាក់ស្លាកលេខបាត់ដំបង 1K 6043។