កំពង់ស្ពឺ ៖ កាលពីវេលាម៉ោង១១និងយប់ ថ្ងៃទី២២ខែ កក្កដាឆ្នាំ២០១៩ ក្រុមចោរធ្វើសកម្មភាពកាត់ដំបូលផ្ទះ រួចចូលលួចយកទូរស័ព្ទដៃ ២៣០គ្រឿង និងលុយចំនួន១០លានរៀល នៅចំណុចភូមិផ្សារត្រពាំងក្រឡឹងឃុំគីរីវន្ ត័ស្រុកភ្នំស្រួច ខេត្តកំពង់ស្ពឺ ។
បើតាមលោក យស់ ឌីណា មេបញ្ជាការមូលដ្ឋានអាវុធហត្ថស្រុកភ្នំស្រួចបានឲ្យដឹងថាមុនពេលកើតហេតុ ឈ្មោះ ខេង គក់ អាយុ៣៣ឆ្នាំនិងប្រពន្ធឈ្មោះ ឡេង លីនដា បានសំរានក្នុងផ្ទះលក់ទូរស័ព្ទលើឡៅតឿ ដោយចាក់សោរពីខាងក្នុង។លុះព្រឹកឡើងស្រាប់តែប្រទះឃើញដំបូលផ្ទះ ត្រូវគេយកកន្ត្រៃកាត់សង្ក័សី ចូលយកទូរសព្ទ័ដៃអស់ចំនួន ២៣០គ្រឿងនិងកាតទូរសព្ទ័បញ្ចូលទឹកប្រាក់ ចំនួន ២៥០០$ និងបានទៅដាក់ពាក្យបណ្តឹងនៅមូលដ្ឋានអាវុធហត្ថស្រុកឲ្យជួយអត្តរាគមន៍។
ប្រភពបន្តថា បច្ចុប្បន្នកម្លាំង អាវុធហត្ថស្រុកនិងកម្លាំងអធិការដ្ធានកំពុងស្រាវជ្រាវ តាមកាមេរ៉ាសុវត្ថិភាព របស់ម្ចាស់ផ្ទះដើម្បីកំណត់មុខសញ្ញាតាមចាប់ចោរលួចយកមកផ្តន្ទាទោសតាមច្បាប់៕