ភ្នំពេញ ៖ កាលពីវេលាម៉ោង ៨ ថ្ងៃទី១៩ ខែ សីហា ឆ្នាំ ២០១៩ ស្រ្តីមានផ្ទៃពោះម្នាក់ បានសំណូមពរឱ្យសារព័ត៌មានជួយផ្សាយ ជុំវិញរឿងរ៉ាវ ដែលលោកគ្រូពេទ្យម្នាក់ ក្នុងមន្ទីរពេទ្យ ករុណា ពេទ្យ តាមបណ្តោយផ្លូវលំ ម្តុំផ្សារតូច សង្កាត់ស្រះចក ខណ្ឌដូនពេញ រាជធានីភ្នំពេញ បៀតបៀនលើអ្នកជំងឺ និងចាក់ថ្នាំដោយមិនមានការសួរនាំ ព្រមព្រៀងពីអ្នកជំងឺ។
បើតាមការរៀបរាប់របស់អ្នកជំងឺខាងលើបានឲ្យដឹងថា គាត់មកពិនិត្យសុខភាពខណៈដែលមានផ្ទៃពោះ ហើយគាត់មិនសូវមានលុយទេ គឺបាននិយាយចរចាតម្លៃនឹងពេទ្យខាងលើត្រឹម ៤០ ដុល្លារ ប៉ុណ្ណោះ ប៉ុន្តែ ពេទ្យពុំបានធ្វើតាមការព្រមព្រៀងនេះទេ ដោយបានចាក់ថ្នាំលើសចំនួនដែលព្រងព្រៀង ហើយប្រសិនបើចង់ចាក់ថ្នាំអីបន្តទៀត ត្រូវតែសួរនាំគាត់ជាម្តាយអ្នកជំងឺផង ស្រាប់តែពេទ្យបានប្រើពាក្យសម្តីមើលងាយដ៏អសុរស មិនសមនឹងឈ្មោះមន្ទីរពេទ្យរបស់ខ្លួន «ករុណា ពេទ្យ» យ៉ាងដូច្នេះថា៖ «ឥឡូវ មានសៀវភៅគ្រួសារអត់ មានម៉ូតូបញ្ចាំអត់ ឥឡូវ ផ្ទះនៅឯណា (ផ្ទះជួលគេ ឬ ផ្ទះខ្លួនឯង) ឥឡូវត្រូវបញ្ជាក់ការងារទុកនៅហ្នឹង ហើយបើអត់ទេ ទាំងប្តី ទាំងប្រពន្ធគឺត្រូវតែនៅហ្នឹង ធ្វើការនៅហ្នឹង ដើម្បីកាត់លុយ…..» ។
មិនតែប៉ុននោះពេលកំពុងពិនិត្យអ្នកជំងឺឆ្ងល់សួរថាចុះហេតុអីបានត្រូវយកដៃលូកប្រដាប់ភេទគាត់ដល់ទៅបីដង? អ្នកជំងឺស្នើឲ្យអាជ្ញាធរ និងក្រសួងពាក់ព័ន្ធជួយ រកយុត្តិធម៌អោយរូបគាត់ផង ។
ទស្សនាវីដេអូរៀបរាប់របស់អ្នកជំងឺខាងក្រោម៖