ខេត្តកំពង់ឆ្នាំង៖ ពិតជារន្ធត់ខ្លាំងណាស់ សិស្សសាលាម្នាក់ស្លាប់ និងម្នាក់ទៀតរងរបួសធ្ងន់ ក្រោយបុរស២នាក់បានអារដើមត្នោតមិនប្រុងប្រយ័ត្នរលំសង្កត់ពីលើនៅចំណុចមុខសាលាបឋមសិក្សា ចំបក់រង្សី ស្ថិតក្នុងភូមិក្បាលដំរី ឃុំត្រពាំងចាន់ ស្រុកបរិបូណ៌ មានករណីកាប់រំលំដើមត្នោតបណ្ដាលឱ្យដួលសង្កត់ត្រូវសិស្សសាលាចំនួន២ នាក់បណ្តាលឲ្យម្នាក់ស្លាប់និងម្នាក់ទៀតរងរបួស។
សេចក្តីរាយការណ៍បានឲ្យដឹងថានៅវេលាម៉ោង១១ និង២០នាទីថ្ងៃទី៨ ខែសីហា ឆ្នាំ២០១៩នេះ ជនរងគ្រោះរួមមាន៖
១-ឈ្មោះ សា ម៉ៃសំ ភេទស្រី អាយុ១៤ឆ្នាំ (ស្លាប់) ២-ឈ្មោះ សេន អាលី ភេទប្រុស អាយុ១២ ឆ្នាំ រងរបួស។
អ្នកទាំងពីររស់នៅភូមិក្បាលដំរី ឃុំអន្សាចំបក់ ស្រុកក្រគរ ខេត្តពោធិសាត់។
រីឯជនសង្ស័យជាអ្នកអាររំលំដើមត្នោតមានគ្នាពីរនាក់:
១-ឈ្មោះតុល ណាង ភេទប្រុស អាយុ២៥ឆ្នាំ ជនជាតិខ្មែរ។
២-ឈ្មោះ ផាន់ ជីម ភេទប្រុស អាយុ ២៦ ឆ្នាំ អ្នកទាំងពីររស់នៅភូមិក្បាលដំរី ឃុំត្រពាំងចាន់ ស្រុកបរិបូណ៌ ខេត្តកំពង់ឆ្នាំង។
បន្ទាប់ពីកើតហេតុជនសង្ស័យត្រូវបានកងរាជអាវុធហត្ថស្នាក់ការសន្តិសុខ ៥០១ ឃាត់ខ្លួនបានដើម្បីកសាងសំណុំរឿងបញ្ជូនទៅតុលាការតាមនីតិវិធី៕
