Wednesday, August 7, 2019

ល្បិចបោកខ្ពស់មែន! ក្រុមចោរ៤នាក់មានតិចនិចល្អចូលលួចលុយបានជាង១មុឺនដុល្លារ ដោយប្រើល្បិច...

(ស្វាយរៀង)៖ ក្រុមចោរមានគ្នា៤នាក់ជិះម៉ូតូ២គ្រឿងបន្លំខ្លួនទិញភេជ្ជៈខារ៉ាបាវ១កេសនៅផ្ទះវីងមួយកន្លៃងស្ថិតក្នុងភូមិដើមពោធ៌ ឃុំស្វាតាយាន ស្រុកកំពង់រោទ៌ ហើយឲ្យគ្នីគ្នាចូលលួចលុយបានជាង១មុឺនដុល្លារ រួចគេចខ្លួនដោយសុវត្ថិភាព ករណីក្រុមចោរចូលលុយផ្ទះវីងបានកើតឡើងកាលពីវេលាម៉ោង១និង៥២នាទី ថ្ងៃទី៦ ខែសីហា ឆ្នាំ២០១៩ ។

ប្រភពពីម្ចាស់ផ្ទះឈ្មោះណន់ តុលា អាយុ៣៣ឆ្នាំ ដែលត្រូវក្រុមចូលលួចបញ្ជរវីងក្នុងផ្ទះរបស់គាត់បានឲ្យដឹងថា: នៅមុនពេលកើតហេតុការណ៍នេះឡើងប្រពន្ធរបស់គាត់បានទៅទារលុយគេនៅក្នុងភូមិ ចំណែករូបគាត់ជាប្តីបានទៅទិញគ្រឿងសំណង់ ដោយបានទុកកូនស្រីឲ្យនៅចាំផ្ទះ ខណះមានក្រុមចោរមួយក្រុមបានឈប់ម៉ូតូពីមុខផ្ទះ មានស្ត្រីម្នាក់ដើរចូលមកក្នុងផ្ទះដើម្បីទិញខារ៉ាបាវមួយកេស ហើយបានឲ្យកូនស្រីរបស់គាត់យកខារ៉ាបាវយកទៅឲ្យដល់ផ្លូវថ្នល់ជាតិមុខផ្ទះ ។


ប្រភពបន្តទៀតថា: បើតាមកាមេរ៉ាសុវត្ថិភាពខណះពេលដែលកូនស្រីគាត់ដើរយកខារ៉ាបាវទៅឲ្យស្ត្រីនោះ មានចោរម្នាក់ដើរចូលទៅក្នុងតូបវីងរបស់គាត់យកកាបូបលុយឡើងជិះម៉ូតូគេចទៅបាត់តែម្តង ។ នៅពេលដែលកូនស្រីគាត់ដើរមកតូបវីងវិញក៏បាត់កាបូបលុយ បានស្រែកឆោឡោផ្អើលអស់អ្នកភូមិរត់មកជួយ ខណះនោះ រូបគាត់និងប្រពន្ធមកដល់ផ្ទះប្តឹងសមត្ថកិច្ចដើម្បីជួយអន្តរាគមន៍តែបានហួសពេលទៅហើយក្រុមចោរបានគេចខ្លួនបាត់អស់ ៕ ដោយ:ស្វាយរៀង

Feature Ads