ក្រុមហ៊ុនផ្តល់សេវាកម្មថតរូបpre-wedding ថតវីដេអូអាពាហ៍ពិពាហ៍ សម្អាងការ តុបតែងផ្កា ពិធីការ សណ្ឋាគារ ភេសជ្ជៈ អាហារសម្រន់ ច្នៃម៉ូដ កាដូអាពាហ៍ពិពាហ៍ រថយន្ដ ធនាគារ គ្រឿងសង្ហារឹម គ្រឿងសម្អាង សរុបជាង៨០ស្ដង់នឹងធ្វើការបញ្ចុះតម្លៃលើកញ្ចប់សេវាកម្មសម្រាប់គូស្នេហ៍ ដែលនឹងរៀបការនារដូវកាលថ្មីនេះ នៅក្នុងពិព័រណ៍អាពាហ៍ពិពាហ៍ប្រចាំឆ្នាំលើកទី៤ ។
ពិព័រណ៍អាពាហ៍ពិពាហ៍ប្រចាំឆ្នាំលើកទី៤ នឹងប្រព្រឹត្ដិទៅនាចុងសប្ដាហ៍នេះ នៅថ្ងៃទី៧-៨ កញ្ញា ២០១៩ នៅផ្សារទំនើបអ៊ីអនសែនសុខស៊ីធី ដោយនាំមកនូវការតាំងបង្ហាញកញ្ចប់សេវាកម្មនិងផលិតផលថ្មី ចុងក្រោយបង្អស់ពាក់ព័ន្ធនឹងការរៀបចំអាពាហ៍ពិពាហ៍ដែលមានការបញ្ចុះតម្លៃពី១០%-៧០%។
ជាមួយនឹងការបញ្ចុះតម្លៃដ៏ពិសេសនេះ គូស្នេហ៍ដែលមានគំរោងរៀបចំមង្គលការនាពេលខាងមុខនេះ អាចចំនេញសរុបជាង4000$ លើការកក់សេវាកម្មសម្រាប់អាពាហ៍ពិពាហ៍ពីបណ្ដាក្រុមហ៊ុនល្បីៗមានដូចជា ការថតរូបPre-wedding(ចំនេញពី200$-800$) សម្អាងការនិងតុបតែផ្កា(ចំនេញពី155$-600$) ថតវីដេអូក្នុងថ្ងៃអាពាហ៍ពិពាហ៍(ចំនេញរហូតដល់200$) កក់ទីតាំងឬសណ្ឋាគារសម្រាប់មង្គលការ(ចំនេញពី500$-2000$) ស្រាវីស្គី(ចំនេញរហូតដល់200$) ស្រាក្រហម(ចំនេញរហូតដល់300$) ភេសជ្ជៈនិងអាហារសម្រន់ពេលព្រឹក(ចំនេញរហូតដល់100$) ពិធីការ(ចំនេញរហូតដល់150$) ការរៀបចំឆាកនិងភ្លើង(ចំនេញរហូតដល់200$) និង កាដូអាពាហ៍ពិពាហ៍(ចំនេញពី150$-300$)។
បន្ថែមពីនេះ ក៏មានការផ្ដល់ជូនពិសេសពីក្រុមហ៊ុនពាក់ព័ន្ធល្បីសម្រាប់ផ្គត់ផ្គត់សម្ភារៈក្នុងការរស់នៅទៅកាន់គូស្វាមីភរិយាថ្មីពីរថយន្ដMG របស់អង់គ្លេស(ថែមជូនប័ណ្ឌសាំងចំនួន 300$) ពីគ្រឿងសង្ហារឹមម៉ាក Ashley មកពីអាមេរិក(ថែមជូនសាឡុងខា្នតតូចមួយ) និងពីធនាគារស្ថាបនា (ថែមជូនកាបូបកីឡា អាវយឺត ឆ័ត្រ កែវទឹក) ថែមទៀតផង។
ទន្ទឹមគ្នានេះ នឹងមានការដើរម៉ូដបង្ហាញសំលៀកបំពាក់កូនកំលោះកូនក្រមុំ ដែលទើបនឹងរចនាថ្មីពីសម្អាងការនិងហាងកាត់ដេរច្នៃម៉ូដដែលរួមបញ្ចូលទាំងសម្លៀកបំពាក់បុរាណនិងសម័យ រួមជាមួយការសម្ដែងរបាំបាឡេ និងរបាំប្លែកថ្មីៗសម្រាប់រដូវការអាពិពាហ៍ពិពាហ៍ខាងមុខនេះពីពិធីការ ឈូក ប្រណិតផងដែរ។
គូស្នេហ៍ដែលកំពុងរៀបចំអាពាហ៍ពិពាហ៍ផ្ទាល់ខ្លួន និង ឪពុកម្តាយដែលកំពុងរៀបចំថ្ងៃពិសេសឲ្យបុត្រធីតា អាចអញ្ជើញចូលរួមពិព័រណ៍អាពាហ៍ពិពាហ៍ប្រចាំឆ្នាំលើកទី៤ ចាប់ពីម៉ោង ១០ព្រឹក ដល់ ៩យប់ និងស្វែងយល់បន្ថែមពីគុណភាព តម្លៃ ការផ្តល់ជូនបន្ថែម និង សេវាបម្រើអតិថិជនរបស់ក្រុមហ៊ុនផ្គត់ផ្គង់ ដើម្បីជ្រើសរើសសេវាកម្មសមស្រប ជាមួយគុណភាពល្អបំផុត។
កម្មវិធីនេះរៀបចំដោយក្រុមហ៊ុនអនុស្សា ឧបត្ថម្ភដោយសណ្ឋាគាររ៉េស៊ីដង់សុខាភ្នំពេញ និងក្រុមហ៊ុនគ្រឿងសង្ហារឹមAshley រួមសហការឧបត្ថម្ភដោយសណ្ឋាគារហ៊ីម៉ាវ៉ារី ធនាគារកាណាឌីយ៉ា Jack Daniels, Best Solution, Pepper Media, ធនាគារស្ថាបនា និង ហាងកាត់សម្លៀកបំពាក់នារសា ។ សម្រាប់ព័ត៌មានបន្ថែម ទំនាក់ទំនងមកកាន់ក្រុមការងារឥឡូវនេះ តាមរយៈលេខ 012 230 140 / 010 911 776 ឬទំព័រហ្វេសប៊ុក ពិព័រណ៍អាពាហ៍ពិពាហ៍ ឬ Anussa Events។
