ព្រះសីហនុៈ បុរសម្នាក់ បានពុលផ្សិតបណ្តាលអោយបាត់បង់អាយុជីវិត កាលពីវេលាម៉ោង២៖២០នាទីរសៀលថ្ងៃទី៤ ខែកញ្ញា ឆ្នាំ២០១៩ នៅចំណុចអ៊ុងម៉ុង តំបន់វារីអគ្គិសនី គីរីរម្យ១ ស្ថិតក្នុងភូមិស្ទឹងច្រាល ឃុំអូរបាក់រទេះ ស្រុកកំពង់សីលា ខេត្តព្រះសីហនុ។
សាកសពបុរសខាងលើឈ្មោះ ពុធ សុខា ហៅតាលូទូ ភេទប្រុស អាយុ៤៨ឆ្នាំ មានទីលំនៅ ភូមិក្រាំងអាត់ ឃុំកំពង់សីលា ស្រុកកំពង់សីលា ខេត្តព្រះសីហនុ។
ក្រោយពីជំនាញនគរបាលស្រុកកំពង់សីលាបានធ្វើការកោសល្យវិច្ឆ័យ សពពិតជាបានស្លាប់ដោយសារពុលផ្សិតពិតប្រាកដមែន រួចប្រគល់ជូនគ្រួសារធ្វើបុណ្យតាមប្រពៃណី នៅវត្តឧត្តមមុនីវង្សកំពង់សិលា៕
