កណ្ដាល ៖ យុវជនម្នាក់ត្រូវបានសមត្ថកិច្ចវាយខ្នោះ ក្រោយពីបានល្បួងលោមអន្ទងស្នេហ៍ អនិតិជនតាមឆាតហ្វេសប៊ុក ធ្វើឲ្យនាងស្លុងអារម្មណ៍ ចាញ់ការលួងលោមរបស់យុវជនរូបនេះ ជិះម៉ូតូមកឌុបចេញពីផ្ទះទៅរកញុំាអីបន្តិច លុះញុំារួច មិនបានឌុបនាងមកផ្ទះវិញទេ បែរជាឌុបនាងទៅដេកផ្ទះម្ដាយមីងអស់១យប់ រួមរ័កមេត្រីបាន៣ដង ព្រឹកឡើងម្ដាយខាងស្រីឆោឡោតាមសួរដេញដោលបែកកាលពីវេលាម៉ោង២ និង៣០នាទីរំលងអធ្រាត្រ ឈានចូលថ្ងៃទី៦ ខែតុលា ឆ្នាំ២០១៩ នៅចំណុចលើផ្ទះ ភូមិត្រពាំងធ្នុង ឃុំម្កាក់ ស្រុកអង្គស្នួល ខេត្តកណ្តាល។
សមត្ថកិច្ចបានឲ្យដឹងថា ជនរងគ្រោះឈ្មោះ ស.ព.ស ភេទស្រី អាយុ១៤ឆ្នាំ មុខរបរកសិករ រស់នៅភូមិច្រកក្រសាំង ឃុំទួលព្រេជ ស្រុកអង្គស្នួល ខេត្តកណ្ដាល។ ជនសង្ស័យឈ្មោះសុខ សុវណ្ណៈ ភេទប្រុស អាយុ១៨ឆ្នាំ មុខរបរជាងកញ្ចក់ នៅភូមិជោទ្រាច ឃុំម្កាក់ ស្រុកអង្គស្នួល ខេត្តកណ្តាល។
នៅមុនពេលកើតហេតុ ជនរងគ្រោះ និងជនសង្ស័យ បានទំនាក់ទំនងគ្នាតាមឆាត និងតាមទូរស័ព្ទលុះដល់ថ្ងៃទី៥ ខែតុលា ឆ្នាំ២០១៩ វេលាម៉ោង៧យប់ ជនសង្ស័យបានណាត់ជនរងគ្រោះឲ្យមក រង់ចាំនៅមុខមណ្ឌលសុខភាពឃុំទួលព្រេជ ដើម្បីនាំគ្នាទៅដើរលេង និងហូបអីបន្តិចហូបរួចត្រឡប់មកដេកផ្ទះបងប្អូនជីដូនមួយរបស់ជនសង្ស័យ លុះដល់ម៉ោងកើតហេតុជនសង្ស័យបានរួមភេទជាមួយជនរងគ្រោះបានសម្រេចតែម្ដង។ ចំពោះករណីបែបនេះ ឧស្សាហ៍កើតមានញឹកញាប់លើស្រទាប់យុវវ័យខ្លាំងណាស់ ដោយសារតែពួកគេងាយស្រួលក្នុងការទំនាក់ទំនងគ្នា ទើបពួកគេងាយរងគ្រោះក្នុងអំពើភ្លើតភ្លើនរបស់ពួកគេ ដូច្នេះមាតាបិតាអាណាព្យាបាលគួរមានការប្រុងប្រយ័ត្នចំពោះកូនៗរបស់ខ្លួន ជាពិសេសកូនស្រីៗតែម្ដង។
ប្រភពបន្ដថា បើយោងតាមចម្លើយសារភាពរបស់ជនសង្ស័យបានសារភាពថា ខ្លួនបានស្រឡាញ់គ្នាតាមឆាត និងខ្លួនបានរួមភេទជាមួយជនរងគ្រោះចំនួន៣ដង ដល់ម៉ោង៥ភ្លឺ ទើបខ្លួនជូនជនរងគ្រោះមកផ្ទះវិញ។ ចំពោះករណីនេះ កម្លាំងជំនាញស្រុកកំពុងបន្តកសាងឯកសារ ចាត់ការតាមនីតិវិធី៕