ព្រះសីហនុៈ នារីម្នាក់ ត្រូវរថយន្តមិនស្គាល់ម៉ាកកិនស្លាប់នៅនិងកន្លែងកើតហេតុ កាលពី ម៉ោង៧ព្រឹកថ្ងៃទី១៨ ខែតុលាឆ្នាំ ២០១៩ តាមបណ្ដោយផ្លូវជាតិលេខ៤ ជិតរោងចក្រ ញូវស្តារ ភូមិ១ សង្កាត់លេខ១ ក្រុងព្រះសីហនុ។
ជនរងគ្រោះឈ្មោះ សុខ លីណា ភេទស្រី អាយុ២៧ឆ្នាំ មានទីលំនៅ ភូមិថ្មធំ ឃុំរាម ស្រុកព្រៃនប់ ខេត្ត ព្រះសីហនុ ត្រូវបានរថយន្តបុកកិន ហើយរថយន្តបង្កបានបន្តដំណើរគេចខ្លួនបាត់។
បច្ចុប្បន្ន សមត្ថកិច្ចកំពុងស្រាវជ្រាវរករថយន្តបង្កហេតុ ចំណែកសាកសពនារីរងគ្រោះ ត្រូវ បានសាច់ញាតិ យកទៅធ្វើបុណ្យតាមប្រពៃណី៕
