header ads

Sponsor

ភ្នំពេញ ៖កាលពី​វេលា​ម៉ោង​១​និង​១៥​នាទី​យប់ ឈាន​ចូល​ថ្ងៃទី​២៣ ខែ​វិច្ឆិកា ឆ្នាំ​២០១៩ អ្នក​រត់​កង់​បី​ម្នាក់ ទំនងជា​ស្រវឹង​ស្រា ដោយខឹង​គេ​ជិះ​ម៉ូតូ​វ៉ា​ខ្លួន ក៏កើតចិត្តខឹង​បើក​កង់​បី​ដេញ​បុក​ពីក្រោយ បណ្ដាល​ឲ្យ​ភាគី​ម៉ូតូ​ដួល​រង​របួស និង​ម៉ូតូ​កង់​បី​ក្រឡាប់​ផ្ងារជើង​រង​របួស​ស្រាល ស្ថិត​តាម​បណ្ដោយ​ផ្លូវជាតិ​៤​ ភូមិ​ជម្ពូ​វ័​ន្ដ សង្កាត់​ចោមចៅ​៣ ខណ្ឌ​ពោធិ៍​សែន​ជ័យ រាជធានី​ភ្នំពេញ។

​បុរសបើកម៉ូតូ​កង់​បី​ឥណ្ឌា ពណ៌​ស ពាក់​ស្លាក​លេខ ភ្នំពេញ​1HX-6840 វ័យ​ប្រហែល​ជាង​៤០​ឆ្នាំ រីឯ​ខាង​ម៉ូតូ ម៉ាក​គុប​មូល ពាក់​ស្លាក​លេខ ភ្នំពេញ​1AN-38-47 ធ្វើដំណើរ​ដោយ​បុរស​២​នាក់។

បើតាមប្រភព​ព័ត៌មាន​បាន​ឲ្យ​ដឹង​ថា នៅ​មុន​ពេល​កើតហេតុ ឃើញ​ម៉ូតូ​កង់​បី​ឥណ្ឌា បើកបរ​ពី​កើ​តទៅ​លិច តាម​បណ្ដោយ​មហាវិថី សហព័ន្ធ​រុស្ស៊ី ខណៈ​ពេល​មក​ដល់​ចំណុច​ជិត​រង្វង់​មូល​ចោមចៅ ក៏​ស្រាប់​តែ​មាន​ម៉ូតូ​មួយ​គ្រឿង ជិះ​គ្នា​២​នាក់​បាន​ជិះ​វ៉ា​ទៅមុខ បាន​ប្រហែលជា​៣​ទៅ​៤​ម៉ែត្រ ទើប​ម្ចាស់​កង់​បី​ឥណ្ឌា ខឹង​បើក​ដេញ​តាម​បុក​ពីក្រោយ បណ្ដាលឲ្យ​ដួល​ខាង​ម៉ូតូ​រង​របួស​ស្រាល ចំណែក​កង់​បី​វិញ​ក្រឡាប់​ផ្ងារជើង។

ប្រភព​បាន​ឲ្យ​ដឹង​ទៀត​ថា ភាគី​ទាំង​២​ ទំនង​មានការ​ខឹង​គ្នា​មកពី​ចម្ងាយ ដោយសារ​ការ​ជិះ​ឌឺដង ទើប​មក​ដល់​ចំណុចកើតហេតុ​ទប់ចិត្ត​មិនបាន ​ក៏​បើ​ក​បំ​បុក​បែបនេះ​តែម្ដង។ ក្រោយ​កើតហេតុ ភាគី​ទាំង​២​ជជែក​គ្នា តឹង​សរសៃក ដណ្ដើមយក​ត្រូវ​រៀងខ្លួន ទើប​សមត្ថកិច្ច​ចុះ​មក​វាស់វែង​យានយន្ត​អែប​ខាង ទុក​ឲ្យ​ភាគី​ទាំងពីរ​ធ្វើការ​ចរចា​គ្នា​ដើម្បី​បញ្ចប់រឿង៕

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post