Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor

សម្តេចហ៊ុន សែន ឆ្លើយតបទៅនឹងការរិះគន់ ដែលថារាជរដ្ឋាភិបាល បញ្ជូនប្រជាជនកម្ពុជា ទៅធ្វើជាខ្ញុំបម្រើគេ នៅក្រៅប្រទេស

អានផ្សេងទៀត

​ភ្នំពេញ៖ នៅព្រឹកថ្ងៃទី១៨ ខែវិច្ឆិកានេះ សម្តេចតេជោ ហ៊ុន សែន នាយករដ្ឋមន្ត្រី បានបកស្រាយឆ្លើយតប ទៅនឹងការរិះគន់ ពីមតិមួយចំនួន ដែលថារាជរដ្ឋាភិបាលកម្ពុជា គ្មានសមត្ថភាពបង្កើតការងារ ហើយបញ្ជូនប្រជាជនខ្លួន ឲ្យទៅធ្វើជាខ្ញុំបម្រើ ក្នុងនាមជាពលករនៅក្រៅប្រទេស​។

សម្តេចតេជោ ក្នុងឱកាសអញ្ជើញប្រគល់វិញ្ញាបនបត្រ និងសញ្ញាបត្រ ជូនដល់សិក្ខាកាម និងនិស្សិតសាកលវិទ្យាល័យធនធានមនុស្ស, បានបញ្ជាក់ថា នេះមិនមែនជាការបង្ខិតបង្ខំ ឲ្យប្រជាជនកម្ពុជា ទៅធ្វើជាពលករនៅក្រៅប្រទេសនោះទេ ប៉ុន្តែនេះគឺជាការខិតខំប្រឹងប្រែង របស់រាជរដ្ឋាភិបាល ក្នុងការបង្កើតការងារ ជូនដល់ប្រជាពលរដ្ឋ។ សម្តេចសង្កត់ធ្ងន់ថា កម្ពុជាអាចលុបចោលកិច្ចព្រមព្រៀង ក្នុងការបញ្ជូនពលករ ទៅបម្រើការងារនៅក្រៅប្រទេសបាន ដើម្បីបញ្ជូនពលករត្រឡប់មកស្រុកវិញ ប៉ុន្តែសម្តេចមិនធ្វើដូច្នោះទេ ព្រោះវាប៉ះពាល់ដល់ពលករ ដែលកំពុងទទួលបានប្រាក់ចំណូល។

​សម្តេចនាយករដ្ឋមន្ត្រី បញ្ជាក់ថា ក្នុងឱកាសអញ្ជើញទស្សនកិច្ច ទៅកាន់ប្រទេសកូរ៉េខាងត្បូង នាពេលឆាប់ៗខាងមុខនេះ សម្តេចតេជោ នឹងមានជំនួបជាមួយ ឯកឧត្តម ម៉ូន ជេអ៊ីន ប្រធានាធិបតីកូរ៉េខាងត្បូង​ រយៈពេល៤៥នាទី ហើយនៅក្នុងជំនួបនោះ សម្តេចតេជោ ស្នើឲ្យកូរ៉េខាងត្បូង បង្កើនចំនួនពលករកម្ពុជា ទៅធ្វើការនៅកូរ៉េខាងត្បូងបន្ថែមទៀត។

បើតាមប្រសាសន៍សម្តេចតេជោ, បច្ចុប្បន្ន កម្ពុជាមានពលករជាង៥ម៉ឺននាក់ប៉ុណ្ណោះ ដែលកំពុងធ្វើការនៅកូរ៉េខាងត្បូង ខណៈវៀតណាម​ មានជាង២០ម៉ឺននាក់។ ដោយឡែក នៅក្នុងក្របខ័ណ្ឌអាស៊ាន ហ្វីលីពីន បាននាំពលករ ចេញទៅក្រៅប្រទេស ជាង១២លាននាក់ ជាទំហំច្រើនជាងគេ ខណៈប្រទេសដែលខ្វះពលកម្មពិតប្រាកដ ប្រទេសម៉ាឡេស៊ី និងសិង្ហបុរី។

​សម្តេចបានលើកឡើងដែរថា នឹងស្នើសុំឲ្យកូរ៉េខាងត្បូង និងជប៉ុន​បង្កើនចំនួនពលកររបស់កម្ពុជា ហើយក្នុងនោះរាជរដ្ឋាភិបាល ក៏កំពុងដោះស្រាយឲ្យមានចំនួនច្រើន ​នៅមជ្ឈិមបូព៌ាផងដែរ ដើម្បីបង្កើតការងារឲ្យប្រជាជនកម្ពុជា។ ​

ទន្ទឹមនឹងការខិតខំបង្កើតការងារនៅក្រៅប្រទេស, ​ក្នុងស្រុកឯណេះវិញ រាជរដ្ឋាភិបាល ខិតខំបង្កើតការងារ តាមរយៈជំរុញទាក់ទាញវិនិយោគ ទាំងអ្នកវិនិយោគក្នុងស្រុក និងវិនិយោគក្រៅប្រទេស ដើម្បីដោះស្រាយការងារធ្វើ ព្រោះរាជរដ្ឋាភិបាលតែឯង មិនអាចរកការងារធ្វើនៅក្នុងក្របខ័ណ្ឌរដ្ឋ ឲ្យនិស្សិតដែលចេញពីសាលាទាំងអស់បានទេ ដូច្នេះវិស័យឯកជនជាវិស័យនាំមុខ ដែលដោះស្រាយការងារធ្វើ ជូនប្រជាពលរដ្ឋ៕អត្ថបទ៖ សន ពិសិដ្ឋ

Sponsor