Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor Sponsor

រថយន្តមិនចាំម៉ាកបុករះរថយន្ត ៦គ្រឿង ហើយ​​ជ្រុលទៅបុកម៉ូតូកង់បីឥណ្ឌា ២គ្រឿង និងម៉ូតូមួយគ្រឿង រួចបើកគេចបាត់

អានផ្សេងទៀត

ភ្នំពេញៈ មានហេតុការណ៍គួរឲ្យភ្ញាក់ផ្អើលមួយបានកើតឡើង បង្កដោយរថយន្តមិនចាំម៉ាក  មួយគ្រឿង បានធ្វើដំណើរក្នុងទិសដៅពីត្បូងទៅជើង តាមបណ្តោយផ្លូវ៥១ ទៅបុករះរថយន្ត  ៦គ្រឿង ហើយបន្តទៅបុកជាមួយម៉ូតូកង់បីឥណ្ឌា និងម៉ូតូមួយគ្រឿងទៀត តែមិនបណ្តាលឲ្យមានមនុស្សរងរបួសនៅក្នុងហេតុការណ៍នេះឡើយ។

គ្រោះថ្នាក់ចរាចរណ៍បុករះនេះ បានកើតឡើងកាលពីវេលាម៉ោង៤ល្ងាចថ្ងៃទី៤ ខែវិច្ឆិកា ឆ្នាំ ២០១៩ ស្ថិតនៅតាមបណ្តោយផ្លូវ៥១ ជិតក្រសួងវ៉ែ និងថាមពល ក្នុងសង្កាត់ផ្សារថ្មីទី៣ ខណ្ឌដូនពេញ  រាជធានីភ្នំពេញ។

ប្រភពព័ត៌មានពីសន្តិសុខ  ដែលយាមនៅជិតនោះ  បានប្រាប់ឲ្យដឹងថា  មុនពេលកើតហេតុ  គេបានឃើញរថយន្ត មិនចាំម៉ាក  មួយគ្រឿង  ពណ៌ខ្មៅ  បានធ្វើដំណើរតាមបណ្តោយផ្លូវ៥១  ក្នុងទិសដៅពីត្បូងទៅជើង  ខណៈជិះមកដល់ចំណុចជិតក្រសួងរ៉ែ​ និងថាមពល ក៏បុករះរថយន្ត៦គ្រឿង ហើយបន្តទៅបុកជាមួយម៉ូតូកង់បីឥណ្ឌា និងម៉ូតូមួយគ្រឿងទៀត រួចជនបង្ក ក៏បានបើករថយន្តគេចចេញពីកន្លែងកើតហេតុបាត់ ដោយបន្សល់ទុកតែរថយន្តរងគ្រោះ ហើយម៉ូតូកង់បីឥណ្ឌា និងម៉ូតូមួយគ្រឿងនៅនឹងកន្លែង។

ក្រោយកើតហេតុការណ៍គ្រោះថ្នាក់ចរាចរណ៍រួចមក សមត្ថកិច្ចជំនាញប៉ុស្តិ៍ និងខណ្ឌ បានចុះមកដល់កន្លែងកើតហេតុ និងទាក់ទងសមត្ថកិច្ចចរាចរណ៍ជើងគោកនៃស្នងការនគរបាលរាជធានីភ្នំពេញ  ចុះមកធ្វើការវាស់វែងយករថយន្ត និងម៉ូតូកង់៣ (PassApp) រងគ្រោះទៅរក្សាទុកនៅការិយាល័យចរាចរណ៍ជើងគោក ដើម្បីដោះស្រាយតាមផ្លូវច្បាប់។ ចំណែករថយន្តបង្កហេតុ  សមត្ថកិច្ចធ្វើការត្រួតពិនិត្យកាមេរ៉ាសុវត្ថិភាពតាមផ្លូវ ដើម្បីយកមកដោះស្រាយតាមនីតិវីធី៕

Sponsor