√ បង្ក្រាបទីតាំងជល់មាន់ និងឃាត់ខ្លួនមនុស្ស០៦នាក់ ម៉ូតូ០៨គ្រឿង

(ភ្នំពេញ)៖ នៅរសៀលថ្ងៃអាទិត្យ ៤រោច ខែមិគសិរ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៥ ខែធ្នូ ឆ្នាំ២០១៩ កម្លាំងកងរាជអាវុធហត្ថខណ្ឌជ្រោយចង្វារ បានចុះបង្រ្កាបទីតាំងជល់មាន់មួយកន្លែង និងបានឃាត់ខ្លួនជនសង្ស័យចំនួន ០៦នាក់ ស្ថិតនៅចំណុចភូមិព្រែកតាសេក សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។

ក្នុងការបង្រ្កាបនេះកម្លាំងកងរាជអាវុធហត្ថខណ្ឌជ្រោយចង្វារ បានឃាត់ខ្លួនជនសង្ស័យ៦នាក់៖
១.ឈ្មោះ ចាន់ រិទ្ធ ភេទប្រុស អាយុ ៣១ឆ្នាំ មុខរបរកសិករ ទីលំនៅភូមិព្រែកលៀប សង្កាត់ព្រែកលៀប ខណ្ឌជ្រោយចង្វារ។
២.ឈ្មោះ គិត តាង ភេទប្រុស អាយុ ៥៧ឆ្នាំ មុខរបរនគរបាល មានទីលំនៅភូមិព្រែកលៀប សង្កាត់ព្រែកលៀប ខណ្ឌជ្រោយចង្វារ។
៣.ឈ្មោះ ហុក រតនា ភេទប្រុស អាយុ ៤៩ឆ្នាំ មុខរបរលក់ដូរ មានទីលំនៅភូមិបាក់ខែង សង្កាត់ព្រែកលៀប ខណ្ឌជ្រោយចង្វារ។
៤.ឈ្មោះ យូ សុផល្លា ភេទប្រុស អាយុ៣៧ឆ្នាំ មុខរបររត់ម៉ូតូ ទីលំនៅភូមិព្រែកលៀបសង្កាត់ព្រែកលៀប ខណ្ឌជ្រោយចង្វារ។
៥.ឈ្មោះ នៅ ចំណាប់ ភេទប្រុស អាយុ ៥០ឆ្នាំ មុខរបរយោធា ទីលំនៅភូមិព្រែកលៀប សង្កាត់ព្រែកលៀប ខណ្ឌជ្រោយចង្វារ។
៦.ឈ្មោះ ធុយ សំណាង ភេទប្រុស អាយុ ២៥ឆ្នាំ មុខរបរកម្មករសំណង់ ទីលំនៅភូមិត្រពាំងកណ្តុល ឃុំចក ស្រុកអូររាំង ខេត្តត្បូងឃ្មុំ។
វត្ថុតាងតាងបានដកហូតរួមមាន៖ម៉ូតូ ០៨គ្រឿង, មាន់ ០២ក្បាល, ជញ្ជីងថ្លឹងមាន់ ០១,បង់រំខ្នាយចំនួន ០២ដុំ។

បច្ចុប្បន្នជនសង្ស័យទាំង៦នាក់ត្រូវបានកម្លាំងកងរាជអាហត្ថខណ្ឌជ្រោយចង្វារ ធ្វេីការអប់រំណែនាំនិងធ្វេីកិច្ចសន្យារួចឱ្យត្រឡប់ទៅផ្ទះ។