(សៀមរាប)៖ ពលរដ្ឋជាច្រើនគ្រួសារ នៅភូមិវាល សង្កាត់គោកចក ក្រុងសៀមរាប ខេត្តសៀមរាប បានឲ្យដឹង ពួកខ្លួន ត្រូវបានជន ២នាក់នេះ ឈ្មោះ វឿង ព្រឿង និងឈ្មោះ ជា ហាក់ស្រ៊ុន អះអាងថា ខ្លួនជាមន្ត្រីអជ្ញាធរអប្សរា ហើយបើអ្នកណាចង់ជួសជុលផ្ទះ ឬសង់ផ្ទះ ត្រូវឆ្លងកាត់រូបគេ ២នាក់ ទើបបាន ដោយត្រូវលុយគេមក ដើម្បីគេទៅសុំថ្នាក់លើ បានមានសិទ្ធិជួសជុល និងសង់ផ្ទះ ក្នុងមួយផ្ទះចំនួន២០០០ដុល្លារ ហើយពេលរត់ច្បាប់រួចហើយ ត្រូវឲ្យថែម ១០០០ដុល្លារទៀត។ជាក់ស្តែង ក្រុមគ្រួសារ ១ ត្រូវបានបុគ្គល ២រូបនេះ ចុះទៅលួងលោមឲ្យយកលុយចំនួនជាង ២០០០ ដុល្លារ តាំងពីខែសីហា ឆ្នាំ២០១៩ មកម្ល៉េះ ដោយសន្យាថា តែ ១សប្តាហ៍ នឹងធ្លាក់លិខិត ឲ្យសាងសង់ ឬជួសជុលផ្ទះ បានហើយ។
ប្រជាពលរដ្ឋ បន្តថា លុះមកទល់សព្វថ្ងៃនេះ បុគ្គល ២នាក់នេះ បានគេចខ្លួន បិទទូរសព្ទ័ មិនព្រមនិយាយគ្នាសោះ។ ជនពីរនាក់នេះ បានគំរាមថា បើហ៊ានតែប្តឹង គឺក្រុមគ្រួសារនោះ មិនបានសុខឡើយ ហើយដីធ្លី ដែលនៅនោះ ពួកគេនឹងរឹបអូស ចូលជាសប្បត្តិរដ្ឋថែមទៀតផង។
ការគំរាមនេះ ធ្វើឲ្យពួកគាត់ ជាពលរដ្ឋ មានការភិតភ័យ និងសំណូមពរឲ្យឯកឧត្តម អភិបាលខេត្តសៀមរាប មេត្តាជួយអន្តរគមន៍ និងចាប់ជនទាំង ២នាក់នោះ មកផ្តន្ទាទោស តាមច្បាប់៕
