បើតាមឯកឧត្តម វិល្លាម បានឲ្យដឹងថា អ្នកមីងម្នាក់ដ៏គួរឲ្យអាណិត បានរត់មកឲ្យសមាជិកឧត្តមក្រុមប្រឹក្សា ប្រតិភូខ្មែរក្រោកឲ្យអន្តរាគមន៍ជួយគាត់ ព្រោះគាត់បានខ្ចីគេ៥០០០$ ហេីយព្យាយាមសងការប្រាក់បាន២០០០$ ដោយភាពខ្វះខាតយឺតយាវសងបន្តិចស្រាប់តែគេមិនពន្យាឲ្យ ហេីយម្ចាស់លុយប្ដឹងទៅតុលាការខេត្តកណ្ដាលដោយយោងលេីកិច្ចសន្យាខ្ចីប្រាក់ដែលគ្មានលក្ខណៈផ្លូវការ រហូតតុលាការខេត្តកណ្តាល ចេញដីការរឹបអូសផ្ទះ តម្លៃជាង៣ម៉ឺន$ ហេីយវាយកំទេចយក (ផ្ទះឈើ ១២x៩ម រុះយកទៅបាត់) និងដីជាប់ផ្លូវជាតិ តម្លៃ៣៥ម៉ឺនដុល្លារ ។ដោយគ្រួសាររងគ្រោះមិនព្រមចេញពី ដីតុលាការថែមបទចោទ ពីបទមិនអនុវត្តតាមសេចក្តីសម្រេចរបស់តុលាការចាប់ប្តីគាត់ដាក់គុកអស់៧ខែចាប់កូនស្រីដាក់គុកអស់៦ខែ ទាំងសាហាវព្រៃផ្សៃដោយហេតុតែគ្នាខ្វះការយល់ដឹង ។
ពេលនេះអ្នកមីងកំពុងភិតភ័យ ព្រោះគេគំរាមចាប់ដាក់គុកទាំងពូជតែម្ដង ។
លោកបានឲ្យដឹងទៀតថា ករណីនេះក្រោយចុះពិនិត្យយេីងខ្ញុំបានកសាងរបាយការណ៍ភ្លាមជូនសម្ដេចនាយករដ្ឋមន្ត្រី ហេីយក៏បានធ្វេីលិខិតអន្តរាគមន៍មួយទៅក្រសួងយុត្តិធម៌អោយពិនិត្យអោយបានហ្មត់ចត់លេីករណីដ៏សាហាវព្រៃផ្សៃមួយនេះ ។
