សូមព្យាយាមបំបាត់ទម្លាប់អាក្រក់ទាំង៥យ៉ាងនេះ ដូចជាការជក់បារីមិនហាត់ប្រាណ ធាត់លើសទម្ងន់ ផឹកស្រាច្រើនពេក និងបរិភោគរបបអាហារដែលធ្វើឱ្យសុខភាពមិន ល្អ។
នេះគឺជាការដកស្រង់ចេញពីការសិក្សាថ្មីមួយ ដែលបានវិភាគពីផលប៉ះពាល់នៃអាកប្ប កិរិយាទាំងនោះ ទៅលើឱកាសនៃការរស់នៅបានអាយុវែង ដោយមិនមានជំងឺទឹកនោម ផ្អែម ជំងឺសរសៃឈាមបេះដូង ជំងឺមហារីក និងជំងឺរ៉ាំរ៉ៃដទៃទៀត។
អ្នកដឹកនាំសិក្សានេះ លោក Frank Hu និងជាប្រធាននាយកដ្ឋានអាហារូបត្ថម្ភនៅ សាកលវិទ្យាល័យ Harvard T.H បានមានប្រសាសន៍ថា យើងបានរកឃើញថា ការ រស់នៅប្រកបដោយសុខភាពល្អ អាចពន្យារអាយុជាច្រើនឆ្នាំ សម្រាប់មនុស្សម្នាក់រស់ នៅដោយគ្មានជំងឺ។
លោកបាននិយាយទៀតថា ជាពិសេសស្ត្រីដែលអនុវត្តទំលាប់ទាំង៥នេះ នឹងទទួលបាន ជីវិតដែលមិនមានជំងឺអស់រយៈពេលជាង១០ឆ្នាំ ហើយបុរសដែលធ្វើបែបនេះទទួល បានជិត៨ឆ្នាំ។
ការស្រាវជ្រាវកន្លងមកត្រូវបានចេញផ្សាយកាលពីឆ្នាំ២០១៩នេះ គឺបានតាមដានបុរសជាង៣៨.០០០នាក់ក្នុងរយៈពេល២៨ឆ្នាំ និងស្ត្រី៧៣.០០០នាក់សម្រាប់រយៈពេល៣៤ ឆ្នាំ។
ការស្រាវជ្រាវនេះបានរកឃើញថា ស្ត្រីដែលបានទម្លាប់ល្អទាំង៥នៅអាយុ៥០ឆ្នាំ គឺអាច មានអាយុវែងជាងស្ត្រីដែលមិនបានអនុវត្តទម្លាប់ទាំងនេះរហូតដល់១៤ឆ្នាំ រីឯបុរស ដែលទម្លាប់ទាំង៥នេះនៅអាយុ៥០ឆ្នាំ គឺអាចរស់នៅបានយូរជាងបុរសមិន បានអនុវត្ត ទម្លាប់ទាំងនេះរហូត១២ឆ្នាំ៕
ប្រភព៖CNN
ផ្ដល់សិទ្ធិដោយ៖ KhmerNas