កាលពីថ្ងៃពុធទី១៥មករាឆ្នាំ២០២០ មន្រ្តីឧទ្យានុរក្សនៃមន្ទីរបរិស្ថានខេត្តរតនគីរីបានទៅពិនិត្យកូនដំរីមួយក្បាលដែលងាប់អណ្ដែតទឹកអូរលាវ ស្ថិតនៅចំណុចព្រំប្រទល់រវាងខេត្តរតនគីរីនិងខេត្តមណ្ឌលគីរី ក្រោយពីទទួលបានដំណឹងពីប្រជានេសាទ។
មន្រ្តីឧទ្យានុរក្សមិនទាន់ដឹងអំពីមូលហេតុអំពីការងាប់របស់កូនដំរីនេះនៅឡើយទេ ខណៈប្រជានេសាទនៅក្នុងតំបន់នោះបានបញ្ជាក់ថា កូនដំរីនេះបានងាប់ គឺក្រោយពីពួកគាត់បានប្រទះឃើញ ហ្វូវដំរីមួយក្រុមដែល២០ទៅ៣០ក្បាលកាលពី១០ថ្ងៃមុន បានចូលមកចូលមកឧទ្យាជាតិអូរយ៉ាដាវខេត្តរតនគីរី ដោយបានកាច់បំបាក់ដើមឬស្សីនិងមែកឈើ មុននឹងវិលត្រឡប់ចូលទៅក្នុងទឹកដីខេត្តមណ្ឌលគីរីវិញ។
មន្ត្រីឧទ្យានុរក្សបានបញ្ជាក់ថា ដោយសារកូនដំរីងាប់នោះមានសភាពស្អុយរលួយ គឺត្រូវបានកប់នៅក្បែរមាត់សិន ហើយនឹងត្រូវប្រមូលយកឆ្អឹកនៅពេលក្រោយ៕
ផ្ដល់សិទ្ធិដោយ៖ KhmerNas