ភ្នំពេញ ៖ អធិការដ្ឋាននគរបាលខណ្ឌទួលគោក ឃាត់ខ្លួនជនសង្ស័យចំនួន០២ ពីបទលួចមានស្ថានទម្ងន់ទោស (ឆក់កាបូបយួរបណ្តាលអោយជនរងគ្រោះដួលម៉ូតូរងរបួស) កើតហេតុ នៅក្នុងមូលដ្ឋានសង្កាត់ទី២ ខណ្ឌទួលគោក រាជ ធានីភ្នំពេញ។
នៅថ្ងៃទី១៦ ខែមករា ឆ្នាំ២០២០ វេលាម៉ោងប្រ ហែល០៩:៣០នាទី កំលាំងនគរបាលប៉ុស្តិ៍ផ្សារដេប៉ូទី២ នៃអធិការដ្ឋាននគរបាលខណ្ឌទួលគោក បានឃាត់ខ្លួនជនសង្ស័យចំនួន០២នាក់ ពីបទលួចមានស្ថានទម្ងន់ទោស (ឆក់កាបូបយួរដៃ) ប្រព្រឹត្តនៅចំណុចមុខផ្ទះលេខ០១B ផ្លូវលេខ១៣៨ កែង២១៥Z ក្រុមទី២៤ ភូមិ៩ សង្កាត់ផ្សារដេប៉ូទី២ ខណ្ឌទួលគោក រាជធានីភ្នំពេញ ។
ជនសង្ស័យ
១- ឈ្មោះ យៀន រ៉ាវុធ ហៅ វុធ ភេទប្រុស មុខរបរមិនពិតប្រាកដ ស្នាក់នៅផ្ទះលេខ៤២ ផ្លូវសុកហុក អូឫស្សីទី១ ខណ្ឌ៧មករា (ជាអ្នកបើកម៉ូតូជិះធ្វើសកម្មភាព) ។
២-ឈ្មោះ ឈាក សុវណ្ណរតន: ហៅ រតន: ភេទប្រុស មុខរបរមិនពិតប្រាកដ ស្នាក់នៅផ្ទះលេខ២៧ ផ្លូវសុខហុក សង្កាត់អូរឫស្សីទី១ ខណ្ឌ៧មករា (ជានាក់ធ្វើសកម្មភាពឆក់) ។
ជនរងគ្រោះ
១-ឈ្មោះ កែវ សេង ភេទស្រី អាយុ៧១ឆ្នាំ មុខរបរនៅផ្ទះ បច្ចុប្បន្នស្នាក់នៅផ្ទះលេខ២០B ផ្លូវលេខ១៣៨ ក្រុមទី៣០ ភូមិ១០ សង្កាត់ផ្សារដេប៉ូទី២ ខណ្ឌទួលគោក ។ រងរបួសរលាត់ស្បែកលើក្បាលជង្គង់ និងខ្មងជើងខាងឆ្វេងចំនួនបួនកន្លែង និងរលាត់
លើប្រអប់ជើងមួយកន្លែងទៀត ។
បច្ចុប្បន្នជនសង្ស័យទាំងពីរនាក់ខាងលើ កំពុងឃាត់ខ្លួន បណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីធ្វើការសាកសួរនិងកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធីច្បាប់ ។