រើសគ្រាប់៦០mm មកដំធ្វើអេតចាយ សំណាងអាក្រក់ផ្ទុះ បណ្ដាលឲ្យស្លាប់ នៅស្រុកមេមត់

ខេត្តត្បូងឃ្មុំ៖ នៅថ្ងៃទី៣០ ខែមករាឆ្នាំ ២០២០ វេលាម៉ោង០២ និង០០នាទីរសៀល មានករណីផ្ទុះគ្រាប់៦០mm បណ្តាលឲ្យស្លាប់ពលរដ្ឋម្នាក់នៅភូមិបេង ឃុំដារ ស្រុកមេមត់ ខេត្តត្បូងឃ្មុំ។

ជនរងគ្រោះ ឈ្មោះ ទួន វិត ភេទប្រុស អាយុ៥៧ឆ្នាំ រស់នៅទីកន្លែងកើតហេតុខាងលើ។

មូលហេតុបណ្ដាលឲ្យជនរងគ្រោះ ស្លាប់គឺដោយសារតែ រើសគ្រាប់ ៦០mm ចាស់មកដំធ្វើជាអេតចាយ។

ហើយតាមប្រភពជាបឋមពីបងប្អូនពលរដ្ឋនៅជិតកន្លែងកើតហេតុ បានឲ្យដឹងថា កន្លងមកឈ្មោះទួន វិតតែងតែធ្លាប់ដើររើសបាននៅគ្រាប់ចាស់ៗដែលសេសសល់ពីសម័យសង្គ្រាម យកមកដោះគីម ឬមូលក្បាលចេញ ដើម្បីថ្លឹងលក់ធ្វើជាអេតចាយ តែពេលនេះចៃដន្យបង្កឲ្យផ្ទុះស្លាប់ភ្លាមៗនៅកន្លែងកើតហេតុតែម្តង៕