header ads

Sponsor

រដ្ឋ​បាល​លោក​ប្រធា​នា​ធិ​បតី​សហ​រដ្ឋ​អាមេ​រិក​លោក ដូណាល់ ត្រាំ បាន​ប្រកាស​អាសន្ន​នៃ​ការ​រីក​រាល​ដាល​វីរុស​កូរ៉ូណា​ថ្មី នៅ​ថ្ងៃ​សុក្រ​ម្សិល​មិញ ហើយ​ថែម​ទាំង​បាន​ប្រកាស​ពី​ការ​ហាម​ឃាត់​ការ​ចូល​ទឹក​ដី​របស់​សហ​រដ្ឋ​អាមេ​រិក​ចំពោះ​ជន​ជាតិ​បរ​ទេស​ណា ដែល​ទើប​បាន​ធ្វើ​ដំណើរ​ទៅ​លេង​ប្រទេស​ចិន​នា​ពេល​ថ្មី​ៗ​នេះ​។

ចំណែក​ពល​រដ្ឋ​អាមេ​រិក ដែល​បាន​ធ្វើ​ដំណើរ​ទៅ​កាន់​ខេត្ត​ហ៊ូប៉ី​របស់​ប្រទេស​ចិន ដែល​ជា​ចំណុច​កណ្តាល​នៃ​ការ​ឆ្លង​រាល​ដាល​នៃ​វីរុស​ថ្មី ក្នុង​រយៈ​ពេល​ពីរ​សប្តាហ៍​កន្លង​មក​នេះ នឹង​ត្រូវ​ទទួល​រង​នូវ​ការ​ដាក់​ឲ្យ​នៅ​ដាច់​ដោយ​ឡែក​ពី​គេ​រយៈ​ពេល​១៤​ថ្ងៃ ដើម្បី​ប្រាកដ​ថា​ពួក​គេ​មិន​បាន​ឆ្លង​មេ​រោគ​។

រីឯ​ជន​ជាតិ​អាមេ​រិក​ដែល​បាន​ធ្វើ​ដំណើរ​ទៅ​តំបន់​ផ្សេង​ទៀត​នៃ​ប្រទេស​ចិន​ដី​គោក នឹង​ត្រូវ​ស្ថិត​ក្រោម​ការ​ត្រួត​ពិនិត្យ​សុខ​ភាព​ពិសេស នៅ​ពេល​ពួក​គេ​វិល​ត្រឡប់​មក​ប្រទេស​វិញ ដោយ​ត្រូវ​តាម​ដាន​រយៈ​ពេល​១៤​ថ្ងៃ​។

វិធាន​ការ​ហាម​ឃាត់​ជន​បរទេស ដែល​ធ្វើ​ដំណើរ​ទៅ​កាន់​ប្រទេស​ចិន មិន​ឱ្យ​ចូល​ទឹក​ដី​អាមេ​រិក របស់​រដ្ឋា​ភិ​បាល​សហ​រដ្ឋ​អាមេ​រិក និង​ការ​ដាក់​ឱ្យ​នៅ​ដាច់​ឆ្ងាយ​ពី​គេ​សម្រាប់​ជន​ជាតិ​អាមេ​រិក​ដែល​វិល​ត្រឡប់​មក​ពី​ហ៊ូប៉ី​គឺ​ចូល​ជា​ធរ​មាន​នៅ​ថ្ងៃ​អាទិត្យ​ម៉ោង​៥​ល្ងាច​។

សេត​វិមាន​បាន​និយាយ​ថា ជា​មធ្យម​មនុស្ស​ជាង​១៤.០០០​នាក់ បាន​ធ្វើ​ដំណើរ​តាម​យន្ត​ហោះ​ទៅ​កាន់​សហ​រដ្ឋ​អាមេ​រិក​ពី​ប្រទេស​ចិន​ក្នុង​មួយ​ថ្ងៃ​ៗ ទាំង​ការ​ហោះ​ហើរ​ត្រង់​ឬ​ការ​ផ្លាស់​ប្ដូរ​ជើង​ហោះ​ហើរ​៕

ប្រភព៖Reuter

ផ្ដល់សិទ្ធិដោយ៖ Khmernas

Feature Ads

Previous Post Next Post
Sponsor