header ads

Sponsor

នៅ​ថ្ងៃ​ព្រហស្បតិ៍​នេះ មន្រ្តី​សុខា​ភិបាល​ថៃ​បាន​លើក​ទឹក​ចិត្ត​ឱ្យ​ប្រជា​ជន​នៅ​តាម​ផ្ទះ ត្រូវ​ធ្វើ​អនា​ម័យ​ដៃ​និង​ពាក់​ម៉ាស់ ដើម្បី​ការ​ពារ​ការ​រីក​រាល​ដាល​នៃ​មេ​រោគ​ឆ្លង​ថ្មី​។

នៅ​ថ្ងៃ​ព្រហស្បតិ៍ ប្រទេស​ថៃ​ក៏​បាន​ចាប់​ផ្តើម​អនុ​វត្ត​វិធាន​ការ ត្រួត​ពិនិត្យ​តម្លៃ​លក់​ម៉ាស់​និង​របស់​សម្រាប់​ធ្វើ​អនា​ម័យ​ដៃ ចំ​ពេល​មាន​ការ​ផ្គត់​ផ្គង់​ខ្វះ​ខាត​នៅ​ក្នុង​ហាង​លក់​ឱសថ​មួយ​ចំនួន​។ អាជ្ញា​ធរ​ប្រទេស​នេះ​ប្រកាស​ថា អ្នក​ដែល​លក់​ម៉ាស់​និង​របស់​ធ្វើ​អនា​ម័យ​ដែល​មាន​តំលៃ​ថ្លៃ​ខុស​ពី​ធម្ម​តា នឹង​ប្រឈម​នឹង​ការ​ជាប់​ពន្ធ​នា​គារ​រហូត​ដល់​៧​ឆ្នាំ​ឬ​ពិន័យ​ប្រាក់​រហូត​ដល់​១៤០,០០០​បាត ស្មើរ​នឹង​៤.៥០៧​ដុល្លារ​។

ប្រកាស​បាន​អនុញ្ញាត​ឱ្យ​អ្នក​ទិញ​ម្នាក់ គឺ​អាច​ទិញ​ម៉ាស់​បាន​តែ​ចំនួន​១០​ប៉ុណ្ណោះ ហើយ​អ្នក​ដែល​អាច​ដឹក​ជញ្ជូន​លើស​ពី​៥០០​ម៉ាស់ គឺ​ត្រូវ​សុំ​ការ​អនុ​ញ្ញាត​ពី​អាជ្ញា​ធរ​ជា​មុន​សិន​។

លោក Anutin Charnvirakul រដ្ឋ​មន្រ្តី​សុខ​ភាព​សាធា​រណៈ​បាន​ថ្លែង​នៅ​ក្នុង​សន្និ​សីទ​សារ​ព័ត៌​មាន​មួយ​ថា​«​ប្រសិន​បើ​មិន​អាច​រក​ទិញ​ប្រដាប់​ធ្វើ​អនា​ម័យ​ដៃ​នៅ​ក្នុង​ហាង​ទេ គឺ​ពល​រដ្ឋ​អាច​ធ្វើ​វា​ដោយ​ខ្លួន​ឯង​បាន​។ ត្រូវ​លាយ​ទឹក​ស្អាត​ជា​មួយ​អាល់​កុល ហើយ​ត្រូវ​យក​វា​តាម​ខ្លួន នៅ​ពេល​ត្រូវ​ចេញ​ទៅ​គ្រប់​កន្លែង​។ យើង​ត្រូវ​ការ​ពារ​ខ្លួន​យើង​ពី​មេ​រោគ ត្រូវ​ញ៉ាំ​អាហារ​ក្តៅ ប្រើ​ស្លាប​ព្រា ពាក់​ម៉ាស់ និង​លាង​ដៃ​»​។

ប្រទេស​ថៃ​បាន​ប្រកាស​ករណី​ឆ្លង​វីរុស​កូរ៉ូណា​ថ្មី​ចំនួន​២៥​ករណី ដែល​ក្នុង​នោះ​មាន​ជន​ជាតិ​ចិន​១៦​នាក់ និង​ថៃ ៩​នាក់​។ ៩​នាក់​បាន​ជា​សះ​ស្បើយ​ចេញ​ពី​មន្ទីរ​ពេទ្យ​ត្រឡប់​ទៅ​ផ្ទះ​វិញ ខណៈ​អ្នក​នៅ​សេស​សល់ បន្ត​ព្យា​បាល​នៅ​ក្នុង​មន្ទីរ​ពេទ្យ​ឡើយ​៕

ប្រភព៖ Reuter

ផ្ដល់សិទ្ធិដោយ៖ Khmernas

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post