header ads

នៅ​ថ្ងៃ​ចន្ទ​នេះ ប្រទេស​សិង្ហ​បុរី​បាន​ប្រកាស​ពី​ការ​រក​ឃើញ​អ្នក​ឆ្លង​វីរុស​កូរ៉ូណា​ថ្មី​ចំនួន​២​នាក់​បន្ថែម​ទៀត ដែល​ក្នុង​នោះ​គឺ​ជា​ក្មេង​ស្រី​ជន​ជាតិ​សិង្ហ​បុរី​ម្នាក់​អាយុ​២​ឆ្នាំ ដែល​ទើប​ធ្វើ​ដំណើរ​មក​ពី​ទី​ក្រុង​វ៉ូហាន​ប្រទេស​ចិន​។ ការ​ប្រកាស​ចំនួន​ពី​រករណី​ថ្មី​នេះ បាន​ធ្វើ​ឱ្យ​អ្នក​ឆ្លង​សរុប​ក្នុង​ប្រទេស​សិង្ហ​បុរី​សរុប​មាន​ចំនួន​៤៥​នាក់​។

ក្រសួង​សុខា​ភិ​បាល​ប្រទេស​សិង្ហ​បុរី​បាន​បញ្ជាក់​ថា ក្មេង​ស្រី​អាយុ​២​ឆ្នាំ​នោះ មិន​មាន​រោគ​សញ្ញា​អ្វី​ទេ នៅ​ពេល​ដែល​នាង​បាន​ឡើង​យន្ត​ហោះ​ចាក​ចេញ​ពី​ទី​ក្រុង​វ៉ូហាន​កាល​ពី​ថ្ងៃ​ទី​៣០​មករា ហើយ​ត្រូវ​បាន​ដាក់​ឱ្យ​នៅ​ដាច់​ដោយ​ឡែក​នៅ​ពេល​ចុះ​ចត​ក្នុង​ប្រទេស​សិង្ហ​បុរី ប៉ុន្តែ​ត្រូវ​បាន​ប្រកាស​នៅ​ថ្ងៃ​ច័ន្ទ​ថា បាន​ឆ្លង​វីរុស​កូរ៉ូណា​។

ចំណែក​ករណី​ទី​២ គឺ​បុរស​ជន​ជាតិ​សិង្ហ​បុរី​អាយុ​៣៧ឆ្នាំ ដែល​មិន​មាន​ប្រវត្តិ​ធ្វើ​ដំណើរ​ទៅ​ប្រទេស​ចិន​នា​ពេល​ថ្មី​ៗ​នេះ​។ គាត់​ធ្លាប់​ធ្វើ​ការ​ជា​សន្តិ​សុខ​រដ្ឋា​ភិ​បាល​ដែល​គេ​ស្គាល់​ថា​ជា​ប៉ូលីស​ជំនួយ​ម្នាក់​ដែល​បាន​រៀបចំ​ដាក់​មនុស្ស​ពីរ​នាក់​មក​ពី​ទី​ក្រុង​វ៉ូហាន ឱ្យ​នៅ​ដាច់​ដោយ​ឡែក​ពី​គេ​៕

ប្រភព៖ CNA

ផ្ដល់សិទ្ធិដោយ៖ Khmernas
លោកអ្នកអាចបញ្ចេញមតិនៅទីនេះ!

Feature Ads

Previous Post Next Post