Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor Sponsor

ប្រធានាធិបតីចិន៖ មិត្តភាពកម្ពុជា-ចិន មិនអាចបំបែកបានឡើយ ហើយបានសរសើរយ៉ាងខ្លាំងចំពោះឥរិយាបថកម្ពុជា

អានផ្សេងទៀត

ប្រធានា​ធិ​បតី​ចិន​លោក ស៊ី ជីន​ពីង បាន​លើក​ឡើង​ថា សម្ដេច​នាយក​រដ្ឋ​មន្រ្តី​កម្ពុជា បាន​សម្តែង​ការ​គាំទ្រ​យ៉ាង​ខ្លាំង​ដល់​ប្រទេស​ចិន​ជា​ច្រើន​លើក​ច្រើន​សារ ហើយ​ថែម​ទាំង​បាន​ធ្វើ​ទស្សន​កិច្ច​ពិសេស​មួយ​មក​កាន់​ប្រទេស​ចិន​នៅ​ថ្ងៃ​ពុធ​នេះ ដែល​ជា​ការ​បង្ហាញ​នូវ​មិត្ត​ភាព​ដែល​មិន​អាច​បំបែក​បាន និង​ការ​ជឿ​ទុក​ចិត្ត​គ្នា​ទៅ​វិញ​ទៅ​មក​រវាង​ភាគី​ទាំង​ពីរ និង​បាន​បង្ហាញ​ពី​សារ​សំខាន់​នៃ​ការ​កសាង​សហ​គមន៍​នៃ​អនា​គត​រួម​គ្នា​។ លោក​ ស៊ី បាន​កោត​សរ​សើរ​យ៉ាង​ខ្លាំង​ចំពោះ​ឥរិយា​បទ​របស់​ប្រទេស​កម្ពុជា​នៅ​ពេល​នេះ​។ នេះ​បើ​តាម​ចុះ​ផ្សាយ​សារ​ព័ត៌​មាន​ចិន​HINHUANET។

នៅ​ថ្ងៃ​ពុធ​ទី​៥​នេះ លោក ស៊ី ជីនពីង បាន​ជួប​ជា​មួយ​សម្តេច ហ៊ុន សែន នៅ​ឯ​វិមាន​ប្រជា​ជន​នៅ​ទី​ក្រុង​ប៉េ​កាំង ដោយ​លោក​បាន​ប្រាប់​សម្ដេច ហ៊ុន សែន ថា រដ្ឋា​ភិ​បាល​និង​ប្រជា​ជន​ចិន​កំពុង​ប្រឹង​ប្រែង​ឱ្យ​អស់​ពី​សមត្ថ​ភាព ដើម្បី​ប្រយុទ្ធ​ប្រឆាំង​នឹង​ការ​រីក​រាល​ដាល​នៃ​ជំងឺ​រលាក​សួត​ដែល​បណ្តាល​មក​ពី​វីរុស​ឆ្លង​កូរ៉ូណា​។ លោក​បាន​គូស​បញ្ជាក់​ប្រាប់​សម្ដេច ហ៊ុន សែន ទៀត​ថា មិត្ត​ដែល​ជួយ​គ្នា​ក្នុង​គ្រា​លំបាក​គឺ​ជា​មិត្ត​ពិត​ប្រាកដ ខណៈ​ប្រទេស​កម្ពុជា​បាន​ឈរ​ជា​មួយ​ប្រជា​ជន​ចិន​នៅ​អំឡុង​ពេល​ដ៏​ពិសេស​នេះ​។

សម្ដេច ហ៊ុន សែន បាន​ប្រកាស​មិន​បិទ​ជើង​ហោះ​ហើរ​ជា​មួយ​ចិន និង​មិន​បញ្ជូន​និស្សិត​ខ្មែរ​នៅ​ទី​ក្រុង​វ៉ូហាន ត្រឡប់​មក​ប្រទេស​កម្ពុជា​វិញ ដូច​ជា​ប្រទេស​មួយ​ចំនួន​បាន​ធ្វើ​ឡើយ ថ្វី​ត្បិត​នៅ​ពេល​នេះ ប្រទេស​ចិន​កំពុង​រង​ការ​រីក​រាល​ដាល​កាន់​តែ​ខ្លាំង​ដោយ​សារ​វីរុស​កូរ៉ូណា​ថ្មី​យ៉ាង​ណា​ក៏​ដោយ​។

សារ​ព័ត៌​មានHINHUANET បាន​ផ្សាយ​បន្ត​ថា លោក​ស៊ី​បាន​សង្កត់​ធ្ងន់​ថា បក្ស​កុម្មុយ​និស្ត​ចិន​និង​រដ្ឋា​ភិ​បាល​ចិន​បាន​អនុ​ម័ត​នូវ​វិធាន​ការណ៍​ការ​ពារ​និង​ត្រួត​ពិនិត្យ​យ៉ាង​ម៉ឺង​ម៉ាត់​និង​តឹង​រ៉ឹង​បំផុត​ប្រកប​ដោយ​ការ​ទទួល​ខុស​ត្រូវ​ខ្ពស់ ចំពោះ​ប្រជា​ជន​ចិន​និង​សហ​គមន៍​អន្តរ​ជាតិ ក្នុង​ការ​ដោះ​ស្រាយ​ការ​រីក​រាល​ដាល​នៃ​ជំងឺ​នេះ​។

លោក​ថា​«​បច្ចុ​ប្បន្ន​ការ​ងារ​បង្ការ​និង​ត្រួត​ពិនិត្យ​កំពុង​ទទួល​បាន​លទ្ធ​ផល​ជា​វិជ្ជ​មាន​។ យើង​នឹង​យក​ចិត្ត​ទុក​ដាក់​ដល់​ពល​រដ្ឋ​កម្ពុជា​នៅ​ក្នុង​ប្រទេស​ចិន រួម​ទាំង​និស្សិត​កម្ពុជា​ដែល​កំពុង​សិក្សា​នៅ​ប្រទេស​ចិន និង​ការ​ពារ​អាយុ​ជីវិត​និង​សុខ​ភាព​របស់​ពួក​គេ ឱ្យ​ដូច​ដែល​យើង​ព្យាបាល​ពល​រដ្ឋ​ចិន​ដែរ​»​។

លោក ស៊ី បាន​មាន​ប្រសាសន៍​ថា​នៅ​ឆ្នាំ​២០២០ ប្រទេស​ចិន​នឹង​រក្សា​ការ​ផ្លាស់​ប្តូរ​កម្រិត​ខ្ពស់​យ៉ាង​ជិត​ស្និទ្ធ​ជា​មួយ​ប្រទេស​កម្ពុជា អនុ​វត្ត​ផែន​ការ​សកម្ម​ភាព​លើ​ការ​កសាង​សហ​គមន៍​នៃ​អនា​គត​រួម​គ្នា​នៃ​ប្រទេស​ទាំង​ពីរ និង​លើក​កម្ពស់​ទំនាក់​ទំនង​ចិន​-​កម្ពុជា​ឱ្យ​ឈាន​ដល់​ចំណុច​កំពូល​ថ្មី​។

សម្ដេច ហ៊ុន សែន បាន​ថ្លែង​ថា នៅ​ពេល​ដែល​ប្រទេស​ចិន​ស្ថិត​ក្នុង​គ្រា​លំបាក ប្រជា​ជន​កម្ពុជា​បាន​ឈរ​យ៉ាង​រឹង​មាំ​ជា​មួយ​ប្រ​ជា​ជន​ចិន ដើម្បី​ឆ្លង​កាត់​និង​ជំនះ​រាល់​ការ​លំបាក​រួម ហើយ​ប្រទេស​ទាំង​ពីរ​ពិត​ជា​«​មិត្ត​ស្មោះ​ត្រង់​»​។

សម្ដេច​នាយក​រដ្ឋ​មន្រ្តី បាន​សម្តែង​ការ​ដឹង​គុណ​ចំពោះ​ការ​យក​ចិត្ត​ទុក​ដាក់​របស់​ប្រទេស​ចិន ចំពោះ​ពល​រដ្ឋ​កម្ពុជា​នៅ​ប្រទេស​ចិន ដោយ​រំពឹង​ថា​ដំណើរ​ទស្សន​កិច្ច​នេះ នឹង​ធ្វើ​ឱ្យ​ពួក​គេ​កាន់​តែ​មា​ន​ទំនុក​ចិត្ត​បន្ថែម​ទៀត​៕

ផ្ដល់សិទ្ធិដោយ៖ Khmernas
Sponsor