អនុរដ្ឋមន្រ្តីក្រសួងសុខាភិបាលអ៊ីរ៉ង់លោក Iraj Harirchi និងសមាជិកសភាមួយរូបទៀត បានធ្វើតេស្តវិជ្ជមានជាមួយវីរុសកូរ៉ូណាឬCovid-19 ខណៈប្រទេសអ៊ីរ៉ង់មានមនុស្សស្លាប់ដោយសារវីរុសនេះកើនដល់១៥នាក់ និងអ្នកឆ្លង៩៥នាក់។
លោក Iraj Harirchi បាននិយាយនៅក្នុងវីដេអូមួយថា គាត់កំពុងដាក់ខ្លួនឯងនៅដាក់ដោយឡែកពីគេ ដើម្បីផឹកថ្នាំព្យាបាលជំងឺ។ កាលពីថ្ងៃច័ន្ទ មន្រ្តីជាន់ខ្ពស់សុខាភិបាលអ៊ីរ៉ង់រូបនេះ បានត្រដុសក្បាលរបស់គាត់ម្តងហើយម្តងទៀត នៅក្នុងសន្និសីទសារព័ត៌មានមួយ ខណៈគាត់បានបដិសេធថា អាជ្ញាធរនឹងមិននិយាយកុហកអំពីការផ្ទុះឡើងCovid-19នៅក្នុងប្រទេសអ៊ីរ៉ង់ឡើយ។
អង្គការសុខភាពពិភពលោកបាននិយាយថា ការកើនឡើងករណីភ្លាមៗនៅក្នុងប្រទេសនេះ គឺមានការព្រួយបារម្ភយ៉ាងខ្លាំង។
នៅក្នុងវីដេអូIraj Harirchi បាននិយាយថា៖«ខ្ញុំចង់ប្រាប់អ្នកថាខ្ញុំបានឆ្លងកូរ៉ូណា។ ខ្ញុំមានគ្រុនក្តៅកាលពីម្សិលមិញ។ ការធ្វើតេស្តបានត្រលប់មកវិញជាវិជ្ជមានកាលពីយប់មិញ។ ខ្ញុំនៅឯកោ។ កាលពីប៉ុន្មាននាទីមុន ខ្ញុំត្រូវបានគេប្រាប់ថាការសាកល្បងចុងក្រោយបានមកដល់។ ខ្ញុំនឹងចាប់ផ្តើមលេបថ្នាំ។ ជាទូទៅខ្ញុំមានអារម្មណ៍ល្អ។ ខ្ញុំគ្រាន់តែមានអារម្មណ៍នឿយហត់បន្តិចខ្ញុំក្តៅខ្លួនហើយវានឹងធ្លាក់ចុះ»៕
ប្រភព៖BBC
ផ្ដល់សិទ្ធិដោយ៖ khmernas