header ads

យោង​តាម​សារ​ព័ត៌​មាន​អ៊ីរ៉ង់ IRNA បាន​ឱ្យ​ដឹង​ថា​លោក​ស្រី Masoumeh Ebtekar អនុ​ប្រ​ធា​នា​ធិ​ប​តី​អ៊ីរ៉ង់​ទទួល​បន្ទុក​កិច្ច​ការ​ស្ត្រី​និង​គ្រួសារ​បាន​ធ្វើ​តេស្ត​វិជ្ជ​មាន​ជា​មួយ​វីរុស​កូរ៉ូណា​ថ្មី​ឬ​Covid​-​19​។

ការ​ឆ្លង​វីរុស​ទៅ​លើ​អនុ​ប្រធានា​ធិ​បតី​អ៊ី​រ៉ង់​នេះ បន្ទាប់​ពី​អនុ​រដ្ឋ​មន្រ្តី​ក្រសួង​សុខា​ភិ​បាល​អ៊ីរ៉ង់​លោក Iraj Harirchi ទើប​បាន​ប្រកាស​ថា គាត់​ត្រូវ​បាន​គេ​ធ្វើ​តេស្ត​វិជ្ជ​មាន​ជា​មួយ​វីរុស​កាល​ពី​ថ្ងៃ​អង្គារ ហើយ​លោក Mojtaba Zonnour ប្រ​ធា​ន​គណៈ​កម្មា​ធិ​ការ​សន្តិ​សុខ​និង​គោល​នយោ​បាយ​ជាតិ​នៃ​រដ្ឋ​សភា​អ៊ីរ៉ង់​បាន​ប្រកាស​ថា គាត់​បាន​ឆ្លង​វីរុស​នេះ​កាល​ពី​ថ្ងៃ​ព្រហស្បតិ៍​នេះ​។

ក្រសួង​សុខា​ភិ​បាល​និង​អប់រំ​សុខ​ភាព​អ៊ីរ៉ង់​បាន​ប្រកាស​នៅ​ថ្ងៃ​ព្រហស្បតិ៍​នេះ​ថា ការ​ផ្ទុះ​ឡើង​នៃ​វីរុស​Covid​-​19​នៅ​អ៊ីរ៉ង់​បាន​ឆ្លង​ទៅ​ដ​ល់​មនុស្ស​ចំនួន​២៤៥​នាក់​។

លោក Kianush Jahanpur ប្រធាន​មន្ទីរ​ទំនាក់​ទំនង​សាធា​រណៈ​និង​ព័ត៌​មាន​នៃ​ក្រសួង​សុខា​ភិ​បាល​និង​អប់រំ​វេជ្ជ​សាស្ត្រ បាន​មាន​ប្រសាសន៍​ថា ក្នុង​ចំណោម​អ្នក​ផ្ទុក​មេ​រោគ​នេះ​២៦​នាក់​បាន​ស្លាប់​៕

ផ្ដល់សិទ្ធិដោយ៖ khmernas

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post