header ads

គិត​ចាប់​តាំងពីព្រឹក​ថ្ងៃ​ពុធ​ទី​២៦​កុម្ភៈ គឺ​ប្រទេស​ចំនួន​៧​ក្នុង​តំបន់​អឺរ៉ុប គឺ​បានប្រកាស​ពី​ករណី​ឆ្លង​ដំបូង​នៃ​វីរុស​កូ​រ៉ូ​ណា​ថ្មី​ឬ​Covid-19 ដូចជា​ប្រទេស​ដា​ណឺ​ម៉ាក អេ​ស្ដូ​នី ន័​រ​វែ​ស ហ្ស​ក​ហ្ស៊ី ក្រិ​ក រូ​ម៉ា​នី និង​ប្រទេស​ម៉ា​សេ​ដូ​ខាងជើង​។ នេះ​បើតាម​ការចុះផ្សាយ​ដោយសារ​ព័ត៌មាន​CNN​នៅ​រសៀល​ថ្ងៃទី​២៧​កុម្ភៈ​នេះ​។​

​អ៊ីតាលី ជា​ប្រទេស​មាន​ករណី​ឆ្លង​ច្រើនជាងគេ​នៅក្នុង​តំបន់​អឺរ៉ុប ដែល​គិត​មកដល់ពេលនេះ អ៊ីតាលី មាន​អ្នក​ឆ្លង​យ៉ាងហោច​ចំនួន​៤០០​នាក់​។

​នៅ​ថ្ងៃ​ពុធ​ម្សិលមិញ​នេះ អង្គការ​សុខភាព​ពិភពលោក​បាន​និយាយថា វីរុស​នេះ​បានចាប់ផ្ដើម​រីក​រាលដាល​យ៉ាង​លឿន បើ​ប្រៀបធៀប​ទៅនឹង​ករណី​ឆ្លង​រាលដាល​នៅក្នុង​ប្រទេស​ចិន ដែលជា​កន្លែង​ប្រភពដើម​របស់​វីរុស​។​

​នៅ​ទូទាំង​ពិភពលោក មាន​មនុស្ស​ជាង​៨​ម៉ឺន​នាក់ ស្ថិតនៅក្នុង​ប្រទេស​ប្រហែល​៤០ បាន​ឆ្លង​វីរុស​នេះ ដែល​អ្នក​ឆ្លង​ភាគច្រើន​នៅ​ប្រទេស​ចិន​៕

ផ្ដល់សិទ្ធិដោយ៖ khmernas

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post