រដ្ឋមន្រ្តីក្រសួងអភិវឌ្ឍជាតិសិង្ហបុរីលោក Lawrence Wong បាននិយាយនៅថ្ងៃច័ន្ទថា អ្នកដំណើរជនជាតិសិង្ហបុរីពីរនាក់ដែលជាអ្នកទេសចរលើវានា MS Westerdam កំពុងត្រូវបានដាក់ឲ្យនៅដាច់ដោយឡែកពីគេនៅក្នុងមណ្ឌលធានារបស់រដ្ឋាភិបាលមួយ។
លោក Lawrence Wong ដែលជាសហប្រធាននៃក្រុមការងារចម្រុះអន្តរក្រសួង ដែលបានបង្កើតឡើងដើម្បីដោះស្រាយវីរុសកូវិដ-១៩ បាននិយយថា៖«យើងមិនអនុញ្ញាតឱ្យអ្នកដំណើរផ្សេងទៀតមកពីនាវា MS Westerdamចូលមកប្រទេសសិង្ហបុរីឬធ្វើដំណើរឆ្លងកាត់ប្រទេសសិង្ហបុរីទៀតទេ»។
នាវាទេសចរណ៍ MS Westerdam បានចូលចតនៅកម្ពុជាកាលពីថ្ងៃព្រហស្បតិ៍ បន្ទាប់ពីចំណាយពេលជិត២សប្តាហ៍នៅឯសមុទ្រ។ នាវានេះត្រូវបានបដិសេធមិនឱ្យចូលចតនៅប្រទេសជប៉ុន តៃវ៉ាន់ កោះហ្គាម ប្រទេសហ្វីលីពីននិងប្រទេសថៃ ដោយសារការភ័យខ្លាចថាអ្នកដំណើរអាចផ្ទុកវីរុស៕
ប្រភព៖ CNA
ផ្ដល់សិទ្ធិដោយ៖ Khmernas